බිමල් රත්නායක සහ සමන්මලී ගුණසේකර සැමියා සහ බිරිඳ වීමට පෙර සිට දේශපාලනයෙහි නිරත වූ බව ජාතික ජන බලවේගයේ විධායක සභික සුනිල් හඳුන්නෙත්ති පවසයි.
එහෙයින් එහි දී බිමල් නිසා සමන්මලී දේශපාලනය කිරීමක් හෝ සමන්මලී නිසා බිමල්ට නොමිනේෂන් ලැබීමක් සිදුව නැති බවයි, ඔහු ප්‍රකාශ කළේ.
සුනිල් හඳුන්නෙත්ති වැඩි දුරටත් පෙන්වා දුන්නේ මහින්ද රාජපක්ෂ සහ නාමල් රාජපක්ෂ කිසිසේත් නිහාල් අබේසිංහ සහ චතුරංග අබේසිංහට සැසඳිය නොහැකි බවයි. ඔවුන් දෙදෙනා දේශපාලනය කරන්නේ දෙවිදිහකට බව ද තාත්තා නිසා පුතා දේශපාලනය කිරීමක් එහි නොමැති බව ද ඔහු සඳහන් කරයි.
නිහාල් අබේසිංහගේ ලේකම් ධුරයෙන් චතුරංගට කිසිදු වාසියක් ලැබී නොමැති අතර ඔහුට අපේක්ෂකත්වය ලැබුණේ දක්ෂතාව නිසා බව ද සුනිල් හඳුන්නෙත්ති අවධාරණය කරයි.
ගුවන් විදුලි නාළිකාවක් සමග සාකච්ඡාවකට එකතු වෙමින් සුනිල් හඳුන්නෙත්ති වැඩි දුරටත් සඳහන් කළේ රෝහණ විජේවීර නිසා උවිඳු විජේවීරට සිය පක්ෂයේ අවස්ථාවක් නොලැබුණු බවයි.