Covid 19Uncategorized

හැටන් ප්‍රධාන කාන්තා පාසලක නේවාසිකාගාරයක සිසුවියන් 20 ක් ඇතුළු පිරිසක් නිරෝධායනයට.

හැටන් නගරයේ පිහිටි ප්‍රධාන කාන්තා පාසලක නේවාසිකාගාරයක සිසුවියන් 20 දෙනෙකු, එම නේවාසිකාගාර භාරව සිටි කන්‍යා සොහොයුරියන් දෙදෙනෙකු සහ සේවිකාවන් දෙදෙනෙකු නේවාසිකාගාරය තුළම ස්වයං නිරෝධානයට යොමු කිරීමට සෞඛ්‍ය අංශ පියවර ගෙන තිබේ.

එමෙන්ම එම නේවාසිකාගාරයේ රෝගි ලක්ෂණ මතු වු සිසුවියන් දෙදෙනෙකු (20) දින දික්ඔය මුලික රෝහලට ඇතුලත් කළ බව හැටන් දික්ඔය නගර සභාවේ මහජන සෞඛ්‍යය පරික්ෂක ආර්.ආර්.එස්.මැදවෙල මහතා පැවසිය.

එම පාසලේ 10 ඒ සහ 11 ඒ වසර වල අධ්‍යාපනය ලබන සිසුවියන් දෙදෙනෙකු මෙසේ රෝහල් ගත කරනු ලැබූහ.

ඉන් එක් සිසුවියකට මිට ප්‍රථම කොවිඩ් 19 වෛරසය අසාදනය වි සුව වු සිසුවියක් බවත්, එම සිසුවිය මොරටුව ප්‍රදේශයේ පදිංචි සිසුවියක් බව මහජන සෞඛ්‍යය පරික්ෂකවරයා කියා සිටියේය.

රෝහල් ගත කළ අනෙක් සිසුවිය මට්ටකුලිය ප්‍රදේශයේ පදිංචිකාරිනියක් බවත්, එම සිසුවිය (12) දින පාසලේ නේවාසිකාගාරය වෙත පැමිණ ඇති බවත්, එම සිසුවියන් දෙදෙනා (18,19) යන දෙදින තුළ පාසලට ගොස් ඇති බවට තොරතුරු සනාථ කරගෙන ඇති බව මහජන සෞඛ්‍යය පරික්ෂකවරයා කියා සිටියේය.

නේවාසිකාගාරය සම්පුර්ණයෙන්ම විෂබිජහරණයට ලක් කරන බවත්, රෝහල් ගත කළ සිසුවියන් දෙදෙනා අධ්‍යාපනය ලැබු පන්ති කාමර වල සිසු සිසුවියන්ද ස්වයං නිරෝධානයට යොමු කර මුළු පාසලම සහ නේවාසිකාගාරය විෂබිජහරණය කිරිමට කටයුතු කරන බවද හැටන් දික්ඔය නගර සභාවේ මහජන සෞඛ්‍යය පරික්ෂක ආර්.ආර්.එම් මැදවෙල මහතා වැඩිදුරටත් පැවසිය.

Related posts

විපක්ෂ නායක පොකුර: පාර්ලිමේන්තු මන්ත්‍රී නලින් බන්ඩාරට සහ ඔහුගේ බිරිඳටත් කොරෝනා

colombotoday

“පළාත් සභා මැතිවරණය ඉතා ඉක්මනින් තියන්න”

colombotoday

මිනුවන්ගොඩ පොකුර 12,000 ඉක්මවයි

colombotoday

තවත් කොවිඩ් මරණ 40ක්

colombotoday

මඩාටුගම අන්තවාදී තව්හිද් පල්ලිය කඩා දැමුවාට හිස්බුල්ලා එරෙහි වෙයි…

colombotoday

උතුරේ ඡන්ද වර්ජණය කිරීමේ සූදානමක් !

colombotoday