පෑලියගොඩ නව මැනිං වෙළඳපොළේ සිදුකළ අහඹු පී.සී.ආර් පරීක්ෂණවලින් පුද්ගලයින් 7 දෙනෙකුට කොවිඩ් – 19 වෛරසය ආසාදනය වී ඇති බවට තහවුරු වී තිබේ.
පෑලියගොඩ නගර සීමාව භාර මහජන සෞඛ්‍ය පරීක්ෂක ඩී.එච්.ජී චින්තක මහතා සඳහන් කළේ, පසුගිය 30 වන දින සිදුකළ පී.සී.ආර් පරීක්ෂණවලින් මෙම ආසාදිතයින් හඳුනාගත් බවය.
පෑලියගොඩ නව මැනිං වෙළඳපොළේ වෙළෙඳසැල්හිමියන්, සේවකයින් සහ පාරිභෝගිකයින් 112 දෙනෙකු එහිදී පී.සී.ආර් පරීක්ෂණයට භාජනය කර තිබේ.
හඳුනාගත් ආසාදිතයින් රෝහල් වෙත ගෙන යාමට අද (02) දිනය තුළ කටයුතු කරන බව මහජන සෞඛ්‍ය පරීක්ෂක ඩී.එච්.ජී චින්තක මහතා සඳහන් කළේය.