අමෙරිකාවේ නාසා ආයතනය මගින් නිර්මාණය කළ රෝවර් යානය අඟහරු ග්‍රහයා මත සාර්ථකව ගොඩබැස තිබේ.
“හොඳ ප්‍රවෘත්තිය තමයි මම හිතන්නේ එම යානය හොඳින්…කිසිම ගැටලුවක් නෑ,” එම ව්‍යාපෘතියේ නියෝජ්‍ය කළමනාකරු මැට් වොලස් පැවසීය.
මෙම රෝවර් යානය සමග ශ්‍රී ලංකික නමක් ද ඈඳෙයි.
ඒ එම යානයේ විද්‍යුත් පරිපථය නිර්මාණය කර ඇත්තේ ශ්‍රී ලංකික කාන්තාවක් වීම හේතුවෙනි.
ඇය ගල්කිස්සේ උපන් මෙලනි නිලන්ති මහආරච්චි ය.
ඇය මේ වන විට සිය පවුලේ සාමාජිකයින් අමෙරිකාවේ සමග ජීවත් වේ.
එම යානය වසර දෙකක් පමණ අඟහරු ග්‍රහයා මත රැඳෙමින් පර්යේෂණ සඳහා සාම්පල රැස්කිරීමට නියමිතය.
එහි අරමුණ වන්නේ එම ග්‍රහයා මත ජීවය පැවතියේ ද යන්න සොයාබැලීමයි.