දෛනික භූමිතෙල් ඉල්ලුම මෙට්ට්‍රික් ටොන් 100 කින් පමණ ඉහළ ගොස් ඇතැයි, ලංකා ඛනිජ තෙල් නීතිගත සංස්ථාව සඳහන් කරයි.
සාමාන්‍ය දිනක ඉල්ලුම මෙට්ට්‍රික් ටොන් 500ක් පමණ වුවත්, මේ දිනවල ඉල්ලුම මෙට්ට්‍රික් ටොන් 600 ඉක්මවා ඇති බව එම සංස්ථාව සඳහන් කරයි.
කෙසේ වෙතත්, හිඟයකින් තොරව භූමිතෙල් වෙළෙඳපොළට මුදා හැරීමට පියවර ගෙන ඇතැයි එම සංස්ථාව පවසයි.
ධීවර ප්‍රජාවට අවශ්‍ය තෙල් ප්‍රමාණය ද එලෙසම සපයීමට අවශ්‍ය පියවර ගෙන ඇති බව ද එම සංස්ථාවේ ප්‍රකාශකයෙකු සඳහන් කරයි.
කොළඹ සහ ධීවර කර්මාන්තය ආශ්‍රීත ප්‍රදේශවල දෛනික භූමිතෙල් ඉල්ලුම අනපේක්ෂීත ලෙස ඉහළ ගොස් ඇති බව ද ලංකා ඛනිජ තෙල් නීතිගත සංස්ථාව වැඩිදුරටත් අවධාරණය කර සිටි.