උතුරු පළාත් මහ ඇමැති සී. වී. විග්නේෂ්වරන් මහතාගේ ෆෙඩරල් යෝජනාව පිළිබඳ වත්මන් රජය නිහඬ ප්‍රතිපත්තියක්‌ අනුගමනය, කරන්නේ එය පිළිගන්නා නිසාදැයි යනුවෙන් සැකයක්‌ මතුවන බව ජාතික හෙළ උරුමයේ නායක ආචාර්ය ඕමල්පේ සෝභිත හිමියෝ ඊයේ (5 වැනිදා) ප්‍රකාශ කළහ.
“අදිවාසේසි භගවා දුන්හී භාවේන” යනුවෙන් බුද්ධ ප්‍රඥප්තියක්‌ ඇති බවත් එමගින් අදහස්‌ කරන්නේ යම් කාරණයක්‌ සම්බන්ධයෙන් යමකු නිහඬ ප්‍රතිපත්තියක්‌ අනුගමනය කරන්නේද ඉන් ගම්‍ය වන්නේ එය අනුමත කරන බව යෑයිද උන්වහන්සේ පැවැසූහ.
උතුරේ මෙම යෝජනාව පිළිබඳ මධ්‍යම රජය උතුරු පළාත් මහ ඇමැතිවරයාගෙන් ප්‍රශ්න කළ යුතු බවත් උතුරු පළාත් ආණ්‌ඩුකාරවරයා මේ සම්බන්ධයෙන් ගත් ක්‍රියා මාර්ග පිළිබඳ ප්‍රශ්න මතුවන බවත් ඕමල්පේ හිමියෝ කීහ.
උතුරේ ෙµඩරල් යෝජනාවට විරුද්ධ යෝජනාවක්‌ ගෙන ඒමට ක්‍රියා කළේ බස්‌නාහිර පළාත් සභාව පමණක් බවත් එම පළාත් සභාවට තිබූ කොන්ද අනිත් පළාත් සභාවලට නොමැතිවීම ගැටලුවක්‌ බවත් උන්වහන්සේ සඳහන් කළහ.
ජාතික හෙළ උරුමයේ නායක ආචාර්ය ඕමල්පේ සෝභිත හිමියෝ ඊයේ (5 වැනිදා) එම අදහස්‌ පළ කළේ බත්තරමුල්ල පන්නිපිටිය පාරේ පිහිටි එම පක්‍ෂ ප්‍රධාන කාර්යාලයේ පැවැති මාධ්‍ය හමුවකදීය.
සිරිමන්ත රත්නසේකර