වත්තල මාබෝල නගර සභා බල ප්‍රදේශයේ පිහිටි බහුතර කතෝලික ජනතාවක් වෙසෙන වත්තල කළු ඇළ ශරීර සුවතා මං තීරුවේ කොටසක් හා එහි සමරුඵලකය සංචාරක ඉඩම් හා ක්‍රිස්තියානි කටයුතු අමාත්‍ය ජෝන් අමරතුංග මහතා විසින් කඩා බිඳ දමා තිබේ.
ඔහු විසින් අදාළ මං තීරුවේ කොටසක් හා සමරුඵලකය කඩා බඳ දමා ඇත්තේ පාස්කු දිනට පෙර දින (24) රාත්‍රියේය.
අමාත්‍යවරයා මෙය කඩා බිඳ දැමීමට මූලික වී ඇත්තේ මෙම මංතීරුවට පසෙකින් පුද්ගලික ඉඩමක් වෙතට ඇති අඩි 15ක පමණ මාර්ය පුළුල්කර ගැනීමේ අරමුණෙන් බව ප්‍රදේශවාසීහු කියති. අක්කර 9ක භූමියක් වන මෙම ඉඩමෙහි නිවාස ව්‍යාපෘතියක් ඉදි කරන්නට සැලසුම් කර ඇති බවද මේ අතර වාර්තා වේ.
මේ ශරීර සුවතා මංතීරුව විවෘත කර ඇත්තේ 2013 වසරේදීය.
කළු ඇළ ශරීර සුවතා මං තීරුවේ කොටසක් හා එහි සමරුඵලකය කඩා බිඳ දමා ඇති අයුරු ඡායාරූපවල දැක්වේ.
