හික්කඩුව නගරාධිපති විනී කාරියවසම් මහතා අභාවප්‍රාප්ත වී තිබේ.
ඊයේ (12) රාත්‍රියේ හදිසියේ අසනීප වී ඇති ඒ මහතා නිවසේ දී ම ජීවිතක්ෂයට පත්ව ඇති බව වාර්තාවේ.
විනී කාරියවසම් මහතාගේ දේහය මේ වනවිට අම්බලන්ගොඩ බස්නැවතුම්පොළ ඉදිරිපිට නිවසේ තැන්පත් කර තිබේ.
ඒ මහතාගේ අවසන් කටයුතු 15 වන සෙනසුරාදා හික්කඩුව හෙන්නාතොට විද්‍යාවර්ධන විද්‍යාලයේ ක්‍රීඩාංගණයේ දී සිදුකිරීමට නියමිතය.
මියයන විට 81 වන වියේ පසුවු විනී කාරියවසම් මහතා, දොඩන්දුව ගම්සභාවෙන් දේශපාලනය ආරම්භකර 2006 වසරේ සිට මේ දක්වා හික්කඩුව නගරාධිපති ලෙස ජනතාවට සේවය කර ඇත.
හික්කඩුව ප්‍රාදේශීය සභාව නගර සභාවක් බවට පත්කිරීමට විනී කාරියවසම් මහතා විශාල මෙහෙවරක් සිදුකර තිබේ.