මීරිගම, පස්යාල මාර්ගයේ කොටකන්ද ආසන්නයේදී සිදු වූ රිය අනතුරකින් පියෙකු සහ දියණියක මියගොස් තිබේ.
ඊයේ සවස මීරිගම සිට පස්යාල දෙසට ධාවනය වූ මෝටර් රථයක ගැටීමෙන් ඔවුන් දෙදෙනා මියගොස් ඇති බව පල්ලෙවෙල පොලීසිය පවසයි.
මෙසේ මියගොස් ඇත්තේ කල්එලිය මීරිගම පදිංචි චන්දන නිශාන්ත නමැති 54 හැවිරිදි පුද්ගලයෙකු සහ නෙවින්දි දිල්ෂිකා 14 නමැති දැරියයි.
මියගිය දැරිය මීරිගම බණ්ඩාරනායක මහා විදුහල මහ විදුහලේ ඉගෙනුම ලබන ශිෂ්‍යාවකි.
උපකාරක පන්තියකට සහභාගි වූ දැරිය බසයෙන් බැස ඒ ආසන්නයේ වූ නිවස කරා පියා විසින් කැඳවා ගෙන යමින් සිටියදී පිටු පසින් පැමිණි මෝටර් රථයක් ඔවුන් දෙදෙනා හප්පා නොනවත්වා පලා ගොස් ඇත.
පලායමින් යමින් සිටි මෝටර් රථය හා එහි රියදුරු කල්එලිය නගරයේ දී පොලිසිය විසින් අත්අඩංගුවට ගෙන ඇති බව පොලිසිය පවසයි.