ගිරිතලේ යුද හමුදා බුද්ධි අංශ කදවුරට සීල් තැබීම බුද්ධි අංශ නිලධාරීන් සිරගත කිරීම ඇතුළු සිද්ධීන් මිලේනියම් සිටී පාවාදීමටත් එහා ගිය පාවාදිමක් බව බොදු බල සේනා සංවිධානයේ මහ ලේකම පූජ්‍ය ගලගොඩඅත්තේ ඤාණසාර හිමි පවසයි.
වත්මන් යහපාලන රජය ඉතිහාසයේ අන් කවරදාකවත් සිදු නොවූ පරිදි මෙරට හමුදා බුද්ධි අංශ පාවාදෙමින් සිටින බවත්, ආණ්ඩුවේ ක්‍රියාකලාපය හේතුවෙන් බුද්ධි අංශ තුළ මහත් කැළඹීමත් ඇතිවී ඇති බවත් කී එහිමියෝ මෙය මහා විනාශයක පෙරනිමිත්තක් බවද කීහ.
“ආණ්ඩුව මේ පාවා දෙන්නේ මාතෘභූමිය බේරාගත යුධ විරුවන්”
ජාතික ආරක්ෂාවට තර්ජනයක් නැතැයි කියමින් ආණ්ඩුව ජාතික ආරක්ෂාව බිංදුවටම ඇද දමමින් සිටින බවද උන් වහන්සේ වැඩිදුරටත් පැවසීය.