Covid 19

අගෝස්තු මාසයේදී පමණක් රත්නපුරේ කොවිඩ් මරණ 338ක් | ආසාදිතයින් 4000ක් නිවෙස් තුළ ප්‍රතිකාර ලබයි

කොවිඩ් වෛරසය ආසාදනය වූ පුද්ගලයන් 338 දෙනකු අගෝස්තු මාසයේදී පමණක් රත්නපුර දිස්ත්‍රික්කය තුළ මියගොස් ඇති බව රත්නපුර දිස්ත්‍රික් වසංගත ​රෝග විද්‍යාඥ වෛද්‍ය ලක්මාල් කෝනාර මහතා පවසයි.

ඒ මහතා එසේ පැවසුවේ පසුගිය 8 වැනිදා පැවැති රත්නපුර දිස්ත්‍රික් කොවිඩ් මර්දන කමිටු රැස්වීමට Z00M තාක්ෂණය ඔස්සේ එක් වෙමිනි.

වෛද්‍ය ලක්මාල් කෝනාර පැවසුවේ රත්නපුර දිස්ත්‍රික්කයේ මේ වන විට කොවිඩ් ආසාදිතයන් 32,393ක් හඳුනාගෙන ඇති බවත් මියගිය 338 දෙනා අතුරින් හය දෙනකු වයස අවුරුදු 30ට අඩු වූවන් බවත් වයස අවුරදු 30 – 60 ත් අතර 59 දෙනකු, වයස අවුරුදු 60ට වැඩි පුද්ගලයන් 273 දෙනකු වශයෙන් මියගොස් ඇති බවත්ය.

මේ වන විට කොවිඩ් එන්නත් මාත්‍රා ලක්ෂ 14ක් පමණ රත්නපුර දිස්ත්‍රික්කයට ලැබී ඇති බවත් දිස්ත්‍රික්කයේ 50%කට පමණ කොවිඩ් 19 එන්නත් මාත්‍රා දෙකම ලබා දීමට හැකි වී ඇති බවත් ඔහු පැවසීය.

රත්නපුර දිස්ත්‍රික්කයේ මේ වන විට නිවෙස් තුළම 4000ක් පමණ කොවිඩ් ආසාදිතයන් වෛද්‍ය උපදෙස් මත ප්‍රතිකාර ලබා ගන්නා බව ද කෝණාර පැවසීය.

මෙම දිස්ත්‍රික් කොවිඩ් මර්දන කමිටු රැස්වීම සබරගමු ආණ්ඩුකාර ටිකිරි කොබ්බෑකඩුව සහ දිස්ත්‍රික් ලේකම් මාලනී ලොකුපෝතාගමගේ ප්‍රධානත්වයෙන් පැවැත්විණි.

Related posts

කොරෝනා නිසා මුලු කුවේටයටම ඇඳිරිනීතිය

colombotoday

අද දිනයේ ශ්‍රී ලංකාවෙන් කිසිදු කොරෝනා ආසාදිත රෝගියෙකු වාර්තා නොවෙයි

colombotoday

රත්නපුර රෝහලේ වෛද්‍ය-හෙද-සුළු සේවක-රෝගීන් 14කට කොවිඩ් ආසාදනය වෙයි

colombotoday

ජාතික රෝහලේ වෛද්‍යවරුන්, හෙද නිලධාරීන් ඇතුළු කාර්ය මණ්ඩලයේ 500කට කොරෝනා

colombotoday

වැඩිහිටි නිවාසයකින් කොවිඩ් ආසාදිතයින් 58ක්

colombotoday

ඩෙල්ටා ප්‍රභේදය ගැන අවබෝධයක් නෑ – කොවිඩ් මර්දනය ගැන මහජන සෞඛ්‍ය පරීක්ෂකවරුන්ගෙන් චෝදනා

colombotoday