ගාල්ල උණවටුනේ පිහිටි දිස්ත්‍රික් සෞඛ්‍ය සේවා අධ්‍යක්ෂ කාර්යාලය මගින් කොළඹ දිස්ත්‍රික්කයේ පදිංචිකරුවන් පිරිසකට ඊයේ (7)දින ‘ඇස්ට්‍රාසෙනෙකා’ එන්නත් දෙවැනි මාත්‍රාව ලබාදීමට පියවර ගෙන ඇත.
කොළඹ දිස්ත්‍රික්කයේ විවිධ ප්‍රදේශවල පුද්ගලයන් 75 දෙනකුට පමණ මෙලෙස එන්නත ලබාදී තිබේ.
එම ස්ථානයේ බස්නාහිර පළාතේ ලියාපදිංචි වාහන 50 ක් පමණ තිබී ඇත. පළාත් අතර සංචරණය තහනම් කර ඇති තත්ත්වයක් යටතේ මෙම වාහන ගාල්ලට ගොස් ඇති බවද අනාවරණය වෙයි.
ගාල්ල දිස්ත්‍රික් සෞඛ්‍ය සේවා අධ්‍යක්ෂ වෛද්‍ය ප්‍රියන්ත ජීවරත්න ප්‍රකාශ කළ බව පවසමින් පසුගියදා මාධ්‍ය හා සමාජ මාධ්‍ය වාර්තා කර තිබුණේ දිවයිනේ ඕනෑම පුද්ගලයකුට එන්නත් ලබාදෙන බවයි. කෙසේ වෙතත් ඇස්ට්‍රා සෙනිකා පළමු මාත්‍රාව ලබාදුන් ලක්ෂ හයකට දෙවැනි මාත්‍රාව ලබාදීමට නොහැකි තත්ත්වයක් මතුව ඇත්තේ එන්නත් හිඟය හේතුවෙනි.