යහපාලන රජය යටතේ තමන්ට සිදුවූ අසාධාරණය පිළිබඳව පසුගිය වසරේ දෙසැම්බර් මස දී මාධ්‍ය සාකච්ඡාවක් පැවැත්වා කරුණු පැවසීම හේතුවෙන් හිටපු අපරාධ පරීක්ෂණ දෙපාර්තමේන්තුවේ (CID) අධ්‍යක්ෂක ශානි අඹේසේකර සහ දැනට රටින් පැනගොස් සිටින අපරාධ පරීක්ෂණ දෙපාර්තමේන්තුවේ රාජකාරි කල පොලිස් පරීක්ෂක නිශාන්ත ද සිල්වා යන අයට අගතියක් සිදුවුණා යැයි පවසමින් වින්දිතයන් හා සාක්ෂි කරුවන් ආරක්ෂා කිරීමේ පනත යටතේ මාස 6කට අධික කාලයක් රක්ෂිත බන්ධනාගාර ගත කර සිටින කේ. ඒ. ගාමිණි සහ එම්. ඒ. ටි මෙන්ඩිස් යන නාවික හමුදා බුද්ධි අංශයේ රණවිරුවන්ගේ ඇප ඉල්ලීම හෙට (25) අභියාචනාධිකරණයේ දී සලකා බැලීමට නියමිතව ඇත.
යුද්ධය පැවති සමයේදී සහ ඉන් අනතුරුව ත්‍රස්තවාදය මුලිනුපුටා දැමීම සඳහා සුවිශේෂී බුද්ධි මෙහෙයුම් රාශියක් සිදු කල මෙම රණ විරුවන් යහපාලන රජයේ රණවිරු දඩයමට ලක්වී 2018 වසරේදී මාස 6කට වැඩි කාලයක් රක්ෂිත බන්ධනාගාර ගත කර සිටි අතර ඒ පිළිබඳව මොවුන් 2019 වසරේදී මාධ්‍ය හමුවක් පවත්වා තමන්ට අපරාධ පරීක්ෂණ දෙපාර්තමේන්තුවෙන් සිදුවූ බලපෑම් පිළිබඳව මාධ්‍යයට කරුණු කියන ලදි.