කොටි සංවිධානයට අරමුදල් සැපයූ ඇමරිකාවේ කෝටිපති ව්‍යාපාරික රාඡ් රාජරත්නම් සතු රුපියල් බිලියනයක ශ්‍රී ලාංකික වත්කම් ඔහුට ආපසු නොදෙන ලෙස කොටි බෝම්බවලට ගොදුරු වූවන්ගේ ඥතීන් 26 දෙනකු ශ්‍රී ලංකා රජයෙන් ඉල්ලා ඇත.
මෙම ඥතීන් පිරිස රාඡ් රාජරත්නම්ට එරෙහිව ඇමරිකාවේ නිව්ජර්සි අධිකරණය හමුවේ නඩුවක් ගොනුකර ඇත.
වැලිවේරියේදී මරාගෙන මැරෙන කළු කොටි බෝම්බකරුවකුට ගොදුරු වූ “මැරතන් කරුගේ” බිරියද එකී නඩුවේ පැමිණිලිකාරියකි.
රාඡ් රාජරත්නම්ගෙන් ඩොලර් කෝටි 100 ක වන්දියක්‌ ඉල්ලා එම නඩුව පවරා තිබේ.
රාඡ් රාජරත්නම්ගේ වත්කම් සොයාබැලීම සඳහා එම නඩුවේ නීතිවේදී මයිකල් එල්ස්‌ගර් පසුගියදා ශ්‍රී ලංකාවට පැමිණ විමර්ශනයක්‌ සිදුකර ඇත.
කීර්ති වර්ණකුලසූරිය – දිවයින