ඉන්දියාවේ ලෝක ප්‍රකට ටජ්මහල නරඹන්නන් සඳහා යළි විවෘත කිරීමට ඉන්දීය බලධාරීන් තීරණය කර තිබේ.
කොවිඩ් නයින්ටීන් වසංගත තත්ත්වය හේතුවෙන් මාස තුනක පමණ කාලයක් ටජ්මහල ඇතුළු ඉන්දියාවේ සංචාරක ආකර්ෂණයට ලක් වූ ස්ථාන නරඹන්නන් සඳහා වසා දැමීමට පියවර ගෙන තිබුණි.
වෛරස් ව්‍යාප්තියේ අවදානම දිනෙන් දින වර්ධනය වුවද ටජ්මහල ඇතුළු නැරඹුම් ස්ථාන හෙට (06) දිනයේ සිට විවෘත කිරීමට ඉන්දීය බලධාරීන් තීරණයකර ඇති බව විදෙස් මාධ්‍ය වාර්තා කරයි.
කෙසේවෙතත් ටජ්මහල නැරඹීම සඳහා දිනකට පැමිණිය හැකි නරඹන්නන් සංඛ්‍යාව 5000කට සීමා කර ඇති අතර මුඛ ආවරණ පැළඳීම, පුද්ගල දුරස්ථභාවය පවත්වාගෙන යාම ඇතුළු සෞඛ්‍ය ආරක්ෂිත ක්‍රමවේදයන් අනිවාර්යය කර තිබේ.