කොළඹ කොටුව ජනාධිපති මන්දිර පරිශ්‍රය තුළ ඉදිකර ඇති “භූගත ආරක්ෂක නිවහන“ හිටපු ජනාධිපතිවරයාගේ පුද්ගලික අවශ්‍යතාව මත ඉදිකරන ලද්දක් නොවන බවත්, එය රහසින් ඉදිකරන ලද්දක් නොවන බවත් හිටපු ආරක්ෂක ලේකම් ගෝඨාභය රාජපක්ෂ මහතා පවසනවා.
[mom_video type=”youtube” id=”qybL0ZPtPlE”]
එල්.ටී.ටී.ඊ. ගුවන් ප්‍රහාර එල්ල වීමේ අවදානමක් තිබුණු බැවින් ජනාධිපතිවරයාගේ ආරක්ෂාව සදහා ගතයුතු අත්‍යවශ්‍ය පියවරක් ලෙස ආරක්ෂක මණ්ඩලයේ සහ හමුදාපතිවරුන්ගේ අනුදැනුම මත මෙම ආරක්ෂක නිවස්නය ඉදිකළ බවයි එතුමා වැඩිදුරටත් පැවසූවේ. කැළණිතිස්ස බලාගාරයට ගුවන් ප්‍රහාර එල්ල කළ කොටි ගුවන් යානාව කොළඹ ජනාධිපති මන්දිරය ඉලක්ක කරමින් පහරදීමට පැමිණි එකක් බවද එතුමා සදහන් කළා. යුධමය වාතාරණයක් පැවති අවස්ථාවක ආරක්ෂක අවශ්‍යතාවන් මත එවැනි නිවස්නයක් ඉදි කිරීමට සිදු වූ අතර එය මහින්ද රාජපක්ෂ ජනපතිවරයාගේ අවශ්‍යතාවය පිණිස නොව ඕනෑම අවස්ථාවක රටේ රාජ්‍ය නායකයාගේ ආරක්ෂාව පිණිස ඉදිකරන ලද්දක් බැවින් මේ සම්බන්ධයෙන් ඇතැම් පාර්ශව නගන චෝදනා පදනම් විරහිත බවත් ගෝඨාභය රාජපක්ෂ මහතා අවධාරණය කර සිටියා.