බුවනෙකබාහු රාජසභා මණ්ඩපයේ යැයි කියන කුරුණෑගල නගර මධ්‍යයේ පිහිටි ගොඩනැගිල්ල කඩා දැමීමේ සිදුවීම සම්බන්ධයෙන් කුරුණෑගල නගරාධිපති තුෂාර සංජීව මහතා ගෙන් පොලීසිය ප්රශ්න කර තිබේ.
ඔහු සහ තවත් පුද්ගලයන් විසි දෙනෙකුගෙන් පමණ මේ වන විට දීර්ඝ ලෙස ප්රශ්න කර ඇතැයිද වාර්තා වෙයි.
සිදුවීම සම්බන්ධයෙන් තවත් පුද්ගලයන් රැසකගෙන් ප්‍රකාශ ලබා ගැනීමට නියමිත බවත් මේ සම්බන්ධයෙන් පොලිසිය සිදුකරන ලද විමර්ශන වාර්තාව වැඩබලන පොලිස්පතිවරයා වෙත බාරදී ඇති බවත් සඳහන්ය.
පසුගිය විසි දෙවැනි දා නීතිපතිවරයා විසින් සිදුකරන ලද නියෝගයක් මත කුරුණෑගල නගරාධිපති ඇතුළු නාගරික මන්ත්‍රීවරුන්, නගර සභා නිලධාරීන් කිහිපදෙනෙකු හා මාර්ග සංවර්ධන අධිකාරියේ නිලධාරීන්ගෙන් ද මෙසේ ප්‍රකාශ සටහන් කරගෙන ඇත.