Colombo Today Local News

අයිස් හා ගංජා බෙදා හරින අයියා මලෝ මාට්ටු

අයිස් මත්ද්‍රව්‍ය සහ කේරළ ගංජා ජාවාරමක නිරත දඹුල්ල ආර්ථික මධ්‍යස්ථානයේ වෙළෙඳසැලක කම්කරු සේවය කරන පුද්ගලයින් දෙදෙනෙකු ගලේවෙල පොලීසිය මඟින් සැකපිට අත්අඩංගුවට ගෙන තිබේ.

මෙසේ අත්අඩංගුවට ගෙන ඇත්තේ ගලේවෙල නබඩගහවත්ත ප්‍රදේශයේ පදිංචි, සියාම් හා වසිම් යන “අයියා මල්ලි” යන අනුවර්ථ නාමයෙන් හඳුන්වනු ලබන පුද්ගලයන් දෙදෙනකු බව ගලේවෙල පොලීසිය සඳහන් කරයි.

මෙම පුද්ගලයන් යතුරුපැදිවලින් දඹුල්ල, ගලේවෙල, අනුරාධපුර, කැකිරාව ආදී ප්‍රදේශ රැසකට මෙන්ම දඹුල්ල ආර්ථික මධ්‍යස්ථානය ඇතුළත අයිස් මත්ද්‍රව්‍ය සහ කේරළ ගංජා අලෙවි කිරීම සිදුකරමින් සිටින බවට තොරතුරු අනාවරණය වී තිබේ.

ගලේවෙල පොලීසියේ ස්ථානාධිපතිවරයාට ලැබුණු, තොරතුරක් මත විශේෂ පොලිස් කණ්ඩායමක් ඊයේ (20)දින රාත්‍රියේ ගලේවෙල නබඩ ගහවත්ත ප්‍රදේශයේ දී මෙම පුද්ගලයාගේ නිවස සෝදිසියට ලක්කොට තිබේ.

එහිදී පැකට් කරන ලද අයිස් නැමති මත්ද්‍රව්‍ය ග්‍රෑම් තුනහමාරක්, කේරළ ගංජා ග්‍රෑම් හතරක්, යතුරුපැදියක්, අයිස් මත්ද්‍රව්‍ය සහ ගංජා මැනීමට භාවිතා කරන විද්‍යුත් තරාදියක්, බැංකු කාඩ්පත් රැසක්, ඒටීඑම් කාඩ්පත්, මෙන්ම අයිස් පැකට් කිරීම සඳහා යොදා ගන්නා පොලිතීන් කවර හා රුපියල් ලක්ෂ දෙකහමාරක් පමණ මුදල් සොයා ගත් බව ගලේවෙල පොලීසිය පවසයි.

මෙම සැකකරුවන් දෙදෙනාට අයිස් මත්ද්‍රව්‍ය සහ ගංජා ගෙනැවිත් දෙන ඔවුන්ගේම තවත් සහෝදරයකු පිළිබඳව තොරතුරු අනාවරණය වෙමින් ඇතැයි ද පොලීසිය සඳහන් කරයි.

අත්අඩංගුවට ගත් සැකකරුවන් මීට පෙර ද ගංජා ජාවාරම සහ ළඟ තබා ගැනීම ආදී චෝදනා යටතේ අධිකරණයෙන් වරදකරුවන් වූ බවද පොලීසිය පවසයි.

අත්අඩංගුවට ගත් සැකකරුවන් ආර්ථික මධ්‍යස්ථානයට එන බොහෝ දෙනෙකුට ඉහළ මිල ගණන් යටතේ අයිස් මත්ද්‍රව්‍ය අලෙවි කර ඇති බව පොලිස් ප්‍රශ්න කිරීම්වලදී හෙළිවී තිබේ.

Related posts

මත්පැන් ඔන්ලයින් අලෙවි කිරීමේ ඉල්ලීම කොවිඩ් කමිටුව කුණු කූඩයට දමයි

colombotoday

ආණ්ඩුවෙ ඉන්නවා ප්‍රභාකරන් ආණ්ඩු හැදුවත් ඒකට රිංගලා ඇමැති කටු අරන් ලෙව කකා ඉන්න පිරිසක් – පාර්ලිමේන්තු මන්ත්‍රී නිමල් පියතිස්ස

colombotoday

රනිල් යටතේ 40%යි, සජිත් යටතේ 24%යි – සජිත් මෙහෙයවූ ඇල්පිටියෙන් එජාපය දැවැන්ත පසුබෑමක

colombotoday

අසීලාචාර හැසීරීමට හේතු කියා සනත් නිශාන්ත කථානායකට ලිපියක් ලියයි

Admin

ආණ්ඩුවේ හවුල්කාර පක්ෂ සහභාගීත්වයෙන් අද මහජන සම්මන්ත්‍රණ සභාවක්

colombotoday

ශ්‍රී ලංනිප තීන්දුව ප්‍රමාද වෙන හැඩ? මාධ්‍ය සාකච්ඡාව අවලංගු කෙරේ.

colombotoday