ජපානයට න්‍යෂ්ටික බෝම්බය හෙළා අදට (06)දිනට වසර 75 කි.
කොවිඩ් වසංගතය හේතුවෙන් මෙවර අනුස්මරණ උත්සව පවත්වන්නේ සුළු වශයෙනි.
1945 අගෝස්තු 6 වැනිදා, එක්සත් ජනපද බෝම්බ හෙළන යානාවක් හිරෝෂිමා නගරයට ඉහළ අහසේ දී යුරේනියම් බෝම්බයක් හෙළීය.
එම බෝම්බය නම් කර තිබුනේ “පුංචි කොලුවා” (Little Boy) යනුවෙනි. බෝම්බය පිපිරී යෑම හේතුවෙන් නගරවාසීන් 70,000ක් එම අවස්ථාවේදීම මියගොස් ඇති අතර පසුව තවත් 70,000ක් පමණ මරුමුවට පත් වී තිබේ.
ඉන් දින තුනකට පසු, නාගසාකි නගරය ටද අමෙරිකානුවන් විසින් න්‍යෂ්ටික බෝම්බයක් හෙළන ලදී. ඉන් සති දෙකකට පසු ජපානය යටත් විය. ඒ සමග ම දෙවන ලෝක යුද්ධය නිම විනි.