මැතිවරණයෙන් ජයග්‍රහණය කළ සියලු මන්ත්‍රීවරුන් සිය වත්කම් බැරකම් ප්‍රකාශ ඉදිරිපත් කරන ලෙසට මැතිවරණ කොමිෂන් සභාව දැනුම් දී තිබේ.
ඒ අනුව වත්කම් බැරකම් ප්‍රකාශ දිස්ත්‍රික් තේරීම්භාර නිලධාරීවරුන් වෙත ලබාදෙන ලෙස එම කොමිසම දැනුම් දී ඇත.
කෙසේවෙතත්, මේ වන විට මැතිවරණයෙන් තේරී පත්වූ මන්ත්‍රීවරුන් බොහෝ පිරිසක් සිය වත්කම් බැරකම් ප්‍රකාශ ලබාදී ඇති බව ද මැතිවරණ කොමිශන් සභාව සඳහන් කළේය.
එහෙත්, මේ දක්වා අදාළ වත්කම් බැරකම් ප්‍රකාශ ලබානොදුන් මන්ත්‍රීවරුන් හැකි ඉක්මණින් ඒවා ලබාදෙන ලෙස ඔවුන් දැනුම්දෙයි.