ශ්රී ලංකා රජයට එරෙහිව චෙන්නායි හි ශ්රී ලංකා නියෝජ්‍ය මහකොමසාරිස් කාර්යාලය ඉදිරිපිට විරෝධතාවක් පවත්වා තිබෙනවා.
තමිල්නාඩු දේශපාලන පක්ෂ නියෝජිතයින් පිරිසක් විසින් මෙම විරෝධතාව සංවිධාන කර තිබු බවයි ඉන්දීය මාධ්‍ය වාර්තා සඳහන් කළේ.
යුධමය වාතාවරණයක් පැවති සමයේ ශ්රී ලංකා රජය විසින් යුධ අපරාධ සිදුකර ඇති බවට චෝදනා කරමිනුයි ඔවුන් විරෝධතාවයේ නිරතව ඇත්තේ.
මේ සම්බන්ධයෙන් එක්සත් ජාතීන්ගේ මානව හිමිකම් කවුන්සිලය හරහා ශ්රී ලංකා රජයට එරෙහිව ක්‍රියාමාර්ග ගැනීම සඳහා ඉන්දීය රජය පියවර ගත යුතු බව විරෝධතාකරුවන් පෙන්වා දී තිබෙනවා.