හෝකන්දර මංගල මාවතේ පිහිටි ජාතික නිදහස් පෙරමුණේ නායක විමල් වීරවංශ මහතාගේ පෞද්ගලික නිවසේ නතරවී සිටි බව කියන තරුණයකුගේ මළ සිරුරක් අද (26) දහවල් සොයාගත් බව පොලීසිය පවසයි.
වයස අවුරුදු 24ක් වන දිසානයක නැමැති මෙම තරුණයා අද දහවල් 1ට පමණ ශ්‍රී ජයවර්ධනපුර රෝහලට ගෙන එන විටත් ඔහු මියගොස් සිටි බවත් රෝහල් ආරංචිමාර්ග සදහන් කරයි.
තලංගම පොලීසිය මේ සම්බන්ධයෙන් වැඩිදුර පරීක්ෂණ සිදුකරන අතර සිද්ධියට අදාළව පොලීසියට පැමිණ කට උත්තරයක් ලබාදෙන ලෙස විමල් වීරවංශ මහතාගේ බිරිය වන ශෂී වීරවංශ මහත්මියට දැනුම්දී තිබේ.
මියගිය තරුණයා විමල් වීරවංශ මහතාගේ පුත්‍රයා වන විභූදි විශ්වජිත් වීරවංශ තරුණයාගේ මිත්‍රයෙකු වන බවටද පොලිසිය තොරතුරු අනාවරණය කරගෙන තිබේ.