වත්මන් රජය යටතේ ක්‍රියාත්මක වන ව්‍යාපෘතිවල ඉක්මන් ප්‍රතිඵලයක් වශයෙන් ඉදිරි මාස හයක කාලය තුළ රැකියා අවස්ථා ලක්ෂ පහක් පමණ ඇතිවන බවත්, එම රැකියා භාර ගැනීමට තරුණ පරපුර සූදානමින් සිටිය යුතු බවත් මුදල් අමාත්‍ය රවී කරුණානායක මහතා පවසයි.
පසුගිය දා මට්ටක්කුලිය විස්ට්වයික් උද්‍යානයේ නව පිහිනුම් තටාකය සඳහා මුල්ගල තැබීමේ උත්සවයට එක්වෙමින් මුදල් අමාත්‍යවරයා මේ බව ප්‍රකාශ කළේය.
විදේශ සමාගම්වලින් පැමිණ රැකියා දහසක් පිරිනමන්නට සූදානම් වන විට ශ්‍රී ලංකාව තුළ සිටින්නේ සුදුසුකම් සැපිරූ සිය දෙනෙක් පමණක් බවත්, වහාම එම තත්වය වෙනස් කර ගත යුතු බවත් අමාත්‍යවරයා එහිදී අවධාරණය කළේය.