රුපියල් 150,000 පමණ වටිනා හොරෙයින් මත්කුඩු තමන් පැළඳ සිටි මුඛ ආවරණය තුළ සඟවාගෙන යතුරුපැදියේ යමින් සිටි යුද සෙබළෙකු අද (28) කලුතර රජවත්ත ප්‍රදේශයේ දී අත්අඩංගුවට ගත් බව කලුතර කොට්ඨාස අපරාධ විමර්ශන අංශය කියයි. සැකකරු සතුව මත්කුඩු හා යුද හමුදාවේ රෙජිමේන්තුවකට අයත් නිළ මුද්‍රාවක් සහ තාවකාලික නිවාඩු බලපත්‍ර දෙකක්ද රාජකාරි හැදුනුම්පත ද තිබූ බව පොලිසිය සදහන් කරයි.
කලුතර ,පලාතොට ,බෝම්බුවල ආදී ප්‍රදේශ වලට යතුරු පැදියකින් පැමිනෙණ පුද්ගලයෙකු මත්කුඩු බෙදා හරින බවට කලුතර කොට්ඨාස අපරාධ විමර්ශය අංශයට ලද තොරතුරක් අනුව සැකකරු අත්අඩංගුවට ගෙන පූර්ණ පරීක්ෂා කර අවසානයේ මුඛ ආවරණ ද පරීක්ෂා කිරීමේදී ඒ තුළ ඉතා සූක්ෂම අයුරින් මෙම මත්කුඩු සඟවා ගෙන සිටි බව පොලිස් නිලධාරීයෙක් පැවසීය .
අත්අඩංගුවට ගත් මෙම සැකකාර සෙබලා රාජකාරි හැදුනුම්පත යොදාගනිමින් මෙම මත්කුඩු ජාවාරම කාලයක සිට සිදු කර ඇති බවද ඒ හේතුවෙන් ඔහු මාර්ග බාධක හරහා කිසිදු බාධාවකින් තොරව මත්කුඩු ප්‍රවාහන කර ඇති බව කරන ලද විමර්ශන වලදී වැඩිදුරටත් අනාවරණය වී ඇත 38 වියේ පසු වන මෙම සැකකරුගේ බිරිඳද ආරක්ෂක සේවාවක රාජකාරි කරන අයකු බව පොලිසිය කියයි
සැකකරු අධිකරණය ඉදිරිපත් කිරීමට නියමිතය. කලුතර කොට්ඨාස අපරාධ විමර්ශය අංශය පරීක්ෂණ පවත්වයි.