කොළඹ,ගම්පහ,පුත්තලම සහ උතුරු පළාතේ දිස්ත්‍රික්ක පහක පනවා ඇති ඇඳිරි නීතිය හෙට (24) උදෑසන 6ට ඉවත් කර දහවල් 12ට යළි පනවන බව රජය පවසනවා.
එම දිස්ත්‍රික්කවල ඇඳිරි නීතිය යළි 27වන දින පෙරවරු 6ට ඉවත් කරනු ඇති.
මේ දිස්ත්‍රික්කවල 27 දහවල් 12.00ට ඇඳිරි නීතිය යළි පනවනු ලැබෙනවා.
සෙසු දිස්ත්‍රික්කවල ඇඳිරි නීතිය අද (23) දහවල් 2 සිට 26වන දින පෙරවරු 6 දක්වා බලපවත්වෙනු ඇති.
එය 26 දින උදෑසන 6ට ඉවත් කර යළි දහවල් 12ට පැනවීමට නියමිතයි.
මෙම කාලයේදී දිවයිනේ සියලු දිස්ත්‍රික්ක අතර ගමනාගමනය සම්පූර්ණයෙන්ම තහනම් කර ඇති අතර එසේම විදේශීය සංචාරකයන් තැනින් තැනට ගෙන යාම ද සම්පූර්ණයෙන් තහනම් වෙනවා.
ඇඳිරි නීතිය බලපැවැත්වෙන කාලය තුළ කවර දිස්ත්‍රික්කයක වුවද ගොවිතැන් වැඩ කිරීමට අවසර හිමි වනවා.
සහල් ඇතුළු අත්‍යාවශ්‍ය ද්‍රව්‍ය සහ එළවළු ප්‍රවාහනයට ඉඩ දෙනු ලැබෙන බවද ජනාධිපති මාධ්‍ය අංශය පවසනවා.
කෘෂිකර්ම සහ වෙළෙඳ විෂයය භාර අමාත්‍යවරයා මේ කාර්යයන් විධිමත්ව පාලනය කළයුතු බව ද රජය දැනුම් දෙනවා.