Colombo Today Local News

මුස්ලිම් ආගමික අමාත්‍යංශයේ අනුමැතියෙන් නේවාසික වීසා ලැබූ මුස්ලිම් ජාතිකයන් 200 ක් රට තුළ !

මුස්ලිම් ආගමික කටයුතු අමාත්‍යංශයේ අනුමැතිය මත විදෙස් මුස්ලිම් ජාතිකයන් 200 කට වැඩි පිරිකට මෙරට මුස්ලිම් ආගමික කටයුතු සිදු කිරීම සඳහා නේවාසික වීසා නිකුත් කර ඇති බව හෙළි වී තිබේ.

පකිස්තානය, ඊජිප්තුව, බංග්ලාදේශය, සෞදි ඇතුළු රටවල් කිහිපයක පුද්ගලයන්ට මෙසේ මුස්ලිම් ආගමික කටයුතු අමාත්‍යංශයේ අනුමැතියෙන් නේවාසික වීසා නිකුත් කර තිබේ. මෙම පුද්ගලයන් අතර වහාබ්වාදය ඇතුළු අන්තවාදී ඉගැන්වීම් සිදු කරන පුද්ගලයන් සිටින්නේද යන්න සම්බන්ධයෙන් සැක කරයි.

පාස්කු ඉරිදා ප්‍රහාරය හේතුවෙන් නේවාසික වීසා ලබාදීම සම්බන්ධයෙන් වැඩි සැලකිල්ලක් දැක්විය යුතු බවට රජය තීරණය කර තිබේ. ඊට හේතු වී ඇත්තේ විවිධ ආයතනවල නිර්දේශය මත නේවාසික වීසා ලබා දීමේදී ජාතික ආරක්ෂාවට තර්ජනයක් විය හැකි විවිධ අන්තවාදී කණ්ඩායම්වලට සම්බන්ධ පුද්ගලයන්ට රට තුළට පැමිණීමට ඉඩකඩ විවර වීමයි.

මේ නිසා නේවාසික වීසා ලබාදීමේදී ඒ සඳහා රාජ්‍ය බුද්ධි අංශයේ අනුමැතිය ලබා ගැනීම මින් ඉදිරියට අනිවාර්ය වේ. ඒ අනුව මින් පසු කිසිදු විදේශිකයෙකුට රාජ්‍ය බුද්ධි අංශයේ අනුමැතිය නොමැතිව නේවාසික වීසා ලබා ගැනීමට නොහැකි වනු ඇත.

මේ වනවිටත් රට තුළ නේවාසික වීසා මත රැඳී සිටින පුද්ගලයන් සම්බන්ධයෙන්ද රාජ්‍ය බුද්ධි අංශය හරහා වාර්තා ලබා ගැනීමටද නියමිත බවයි වාර්තා වන්නේ.

Related posts

මහා සංඝරත්නයේ ගැටළුවලට කම්කරු දිනය දා විසදුම් ලැබෙන බව ජනපති කියයි

colombotoday

අද රාත්‍රියේ ඉන්ධන මිළේ වෙනසක්…

colombotoday

මත් ජාවාරමුන් එල්ලා මැරීම ස්තීරයි… ළගදීම ක්‍රියාත්මක කරනවා – ජනපති නැවතත් කියයි

colombotoday

පසුගිය මහ මැතිවරණයේදී නීතිඥ ලක්ෂ්මන් වසන්තට සහය නොදැක් වූ මාතලේ ශ්‍රීලනිප මන්ත්‍රීවරුන්ගේ පක්ෂ සාමාජිකත්වය අත්හිටුවයි

colombotoday

මාතලේ පවුලක් කපා කොටා දරුවෙක් මරා දැමූ සැකකරුගේ නිවෙසට ගිනි තබයි

Admin

ගංගා ආශ්‍රිත හෝටල්වලින් 60%ක් නීති විරෝධියි

colombotoday