Colombo Today Local News

මිල්කෝ සමාගම සත්ව ආහාර සදහා අලෙවි කල කිරිපිටි ගැන පරීක්ෂණයක් කරන්න. – පාරිභෝගික අයිතීන් සුරැකීමේ ජාතික ව්‍යාපාරය


පාරිභෝගික කටයුතු අධිකාරිය විසින් කුලියාපිටියේදී අත්අඩංගුවට ගත් මිනිස් පරිභෝජනයට නුසුදුසු කිරිපිටි තොගය සම්බන්ධයෙන් විශේෂ පරීක්ෂණයක් පවත්වන ලෙස රජයෙන් ඉල්ලා සිටින බව පාරිභෝගික අයිතීන් සුරැකීමේ ජාතික ව්‍යාපාරයේ සභාපති රංජිත් විතානගේ පවසනවා.

මාධ්‍ය නිවේදනයක් නිකුත් කරමින් ඒ මහතා වැඩිදුරටත් සඳහන් කර සිටින්නේ…..

“මිල්කෝ සමාගම විසින් මිනිස් පරිභෝජනයට නුසුදුසු සත්ව ආහාර සදහා නිකුත් කර තිබුනු එම කිරිපිටි තොගයෙන් ටොන් 200 ක් අදාල සමාගම විසින් මිලදී ගෙන තිබූ අතර එම කිරිපිටි තොගයෙන් ටොන් 15 කට සිදුවූයේ කුමක්දැයි තවමත් සොයා ගෙන නැති අතර වෙළදාමට සම්බන්ධ ඇමතිවරයෙකුගේ සොහොයුරෙකු අදාල සිදුවීමට සම්බන්ධ බවට අප සංවිධානය වෙත තොරතුරු වාර්තා වෙමින් පවතී. පරිභෝගික කටයුතු අධිකාරිය විසින් වැටලීම කරද්දී අදාල සමාගම එම කිරිපිටි මනුෂ්‍ය පරිභෝජනය සදහා අලෙවි කිරීම සදහා සුදානම් කරමින් තිබී ඇත.”

“1980 අංක 26 දරණ ආහාර පනතේ පස්වන (5) වගන්තියට අනුව මිනිස් පරිභෝජනයට නුසුදුසු ආහාර විකිණීම සදහා ප්‍රධාන ආහාර බලධාරියාගේ නිසි අවසරය ලබා ගත යුතුය. අප සංවිධානයට ලැබී ඇති තොරතුරුවලට අනුව අදාල කිරිපිටි තොගය වෙළදුන්ට විකිණිම සදහා නිසි ටෙන්ඩර් ක්‍රියාපටිපාටියද අනුගමනය කර නැත. තවද සත්ව ආහාර සදහා මිනිස් පරිභෝජනයට නුසුදුසු කිරිපිටි මීට පෙර අලෙවි කිරීමේදී එම කිරිපිටිවල පාට වෙනස්වන ලෙස ඩයි කවලම් කර විකුණා ඇති අතර මෙම කිරිපිටි තොගයේ එසේ පැහැය වෙනස් කොට නොමැත.”

“ඒ අනුව පෙනී යන්නේ කූට ව්‍යාපාරිකයින් විසින් පාරිභෝගිකයින් මුලා කිරීම සදහා මිල්කෝ සමාගමේ නිළධාරීන්ගේ සහයෝගය ලැබී ඇති බවයි.”

“ජනාධිපතිතුමනි,
හොරාගෙ අම්මාගෙන් පේන අසන්නේ නැතිව මිල්කෝ සමාගම විසින් මිනිස් පරිභෝජනයට නුසුදුසු කිරිපිටි සත්ව ආහාර සදහා අලෙවි කිරීමේ සිදුවීම පිළිබදව වහාම කඩිනම් පරීක්ෂණයක් ආරම්භ කිරීමට නියෝග කරනලෙස අප සංවිධානය ඔබතුමාගෙන් ඉල්ලා සිටිමු.”

Related posts

“රනිල් වනාහී නුතනත්වයේ දාසයෙකි.. ETCA අත්සන් කිරීමට යාමේ හේතුව එයයි” – මහාචාර්ය නලින් ද සිල්වා

colombotoday

ලංවීම ගිය වසරේ පාඩුව රුපියල් බිලියන 26කට වැඩියි…

colombotoday

සංහිදියා කයිවාරුකරුවන්ගේ රෙදි ගැළවී වැටෙයි.. සමස්ථ දෙමළ ජනතාවටම ලැජ්ජා කරමින් දෙමළ අන්තවාදීන් තරම පෙන්වයි !

colombotoday

ජනපති සිරිසේනගේ පාලනය යටතේ සිදුකල පාපයෙන් මිදීමටනම් ඥානසාර හිමි නිදහස් කල යුතුමයි

colombotoday

ජනපති සර්ව පාර්ශ්වික සමුළුවක් කැඳවයි – ජාජබ සමුළුවට සහභාගී වෙන්නේ නැහැ

Admin

26 වසරක් වව්නියාව රැකගත් හමුදා කදවුර TNA ඉල්ලීමට ඉවත් කරයි !

colombotoday