හිටපු අමාත්‍ය රාජිත සේනාරත්න මහතාට අයිති පැලවත්ත වැල්මීගොඩ වත්තක අක්‍රමිකතාවයන් රැසක් සහ නිතී විරෝධි ක්‍රියාවන් සිදුවෙන බවට ප්‍රාදේශීය සභාවේ මන්ත්‍රීවරයෙකු පැමිණිළි කර ඇතැයි මීගහතැන්න පොලිසීය කියයි.
මෙසේ පැමිණිළි කර ඇත්තේ වලල්ලාවිට ප්‍රා දේශීය සභාවේ පොදුජන පෙරමුණේ මන්ත්‍රී සම්පත් කුමාර මහතාය.
පසුගිය මැතිවරණය අවසන් වූ දින කිහිපය තුළ අක්කර දොළහකින් සමන්විත මෙම වතුයායට රාත්‍රී කාලයේ පැමිණි වාහන හා පුද්ගලයින් පිළිබඳ සෝදිසියකින් පසුව මන්ත්‍රීවරයා මෙම පැමිණිල්ල දමා තිබේ.