හෙට සිදුවන නව කැබිනට් මණ්ඩලය පත්වීමත් සමගම නීතිය හා සාමය අමාත්‍යංශය එජාපයේ කිසිවෙකුටත් ලබා නොදී ජනපති මෛත්‍රිපාල සිරිසේන මහතා යටතේ තබා ගැනීමට තීරණයක් ගෙන ඇති බව ජනාධිපති කාර්යාල ආරංචි මාර්ග ඔස්සේ වාර්තා වෙනවා.
ජනාධිපති මෛත්‍රිපාල සිරිසේන සහ හිටපු ආරක්ෂක ලේකම් ගෝඨාභය රාජපක්ෂ ඝාතන කුමන්ත්‍රණය පිළිබඳව සිදුවෙන පරීක්ෂණ සඳහා බාදාවක් සිදුවේය යන විශ්වාසය හේතුවෙන් ජනාධිපතිවරයා මෙම තීරණය ගෙන ඇති බවයි වැඩිදුරත් එම වාර්තා පෙන්වා දෙන්නේ.
මෙම ඝාතන කුමන්ත්‍රණය සඳහා එජාප නායක රනිල් වික්‍රමසිංහ, ප.ම සරත් ෆොන්සේකා, ප.ම රන්ජිත් මද්දුම බණ්ඩාර, පොලිස්පති පුජිත ජයසුන්දර යන පුද්ගලයින්ට චෝදනා එල්ල වූ අතර මෙහි ප්‍රධාන සැකකරු වෙන හිටපු නියෝජ්‍ය පොලිස්පති නාලක ද සිල්වා මේවන විට රක්ෂිත බන්ධනාගාර ගත කර තිබෙනවා.