Colombo Today Local News

දින 113කට පසු සිසුන් සදහා පාසල් හෙට සිට විවෘතයි

කොවිඩ්-19 ව්‍යාප්තිය හේතුවෙන් වසා දැමුණු දිවයිනේ සියලු පාසල් දින 113කට පසු හෙට (6)දින මුල්වරට සිසුන් සඳහා විවෘත කෙරෙයි.

මෙලෙස පාසල් එන දරුවන් සඳහා සෞඛ්‍ය ප්‍රවර්ධන කාර්යාංශය විසින් උපදෙස් මාලාවක්ද ඉදිරිපත් කර තිබේ.

කොවිඩ් වසංගත අවදානම සැලකිල්ලට ගනිමින් දිවයින පුරා පාසල් තාවකාලිකව වසාදැමීමට රජය පියවර ගත්තේ ඉකුත් මාර්තු 13 වැනි දායි.

ඒ අනුව මාස හතරකට ආසන්න කාලයක් වසාදමා තිබූ පාසල් හෙට සිට සිසුන් සඳහා විවෘත වේ.

ඉකුත් ජූනි 29 වැනිදා ගුරුවරුන් ඇතුළු පාසල් කාර්ය මණ්ඩල සඳහා පාසල් විවෘත කෙරුණත් සිසුන් සඳහා විවෘත වන්නේ අදියර කිහිපයක් යටතේයි.

ඒ අනුව 5,11 සහ 13 යන ශ්‍රේණිවල සිසුන් පමණක් හෙට සිට පාසල් වලට පැමිණිය යුතු වේ.

ඉන් සාමාන්‍ය පෙළ විභාගයට පෙනී සිටින 11 වැනි ශ්‍රේණියේ සහ සිසුන් උසස්පෙළ විභාගයට පෙනී සිටීමට නියමිත 13 වන ශ්‍රේණියේ සිසුන්ගේ අධ්‍යයන කාලය පෙරවරු 7.30 සිට පස්වරු 3.30 දක්වා ක්‍රියාත්මකයි.

ශිෂ්‍යත්ව විභාගයට පෙනී සිටින 5 ශ්‍රේණියෙ සිසුන් සඳහා පෙරවරු 7.30 සිට පස්වරු 1.30 දක්වා අධ්‍යයන කටයුතු පැවැත්වෙනු ඇති.

Related posts

HIV ආසාදිත කතුන් සිටි ගණිකා නිවස නැවතත් වැඩ පටන් අරන්

colombotoday

ක්ෂුද්‍ර මූල්‍ය ආයතන වල ගනුදෙනුකරුවන් ආරක්ෂා කරන්න අධිකාරියක්

Admin

ස්විස් සේවිකාවගේ විදේශ ගමන් තහනම දීර්ග කිරීමට අධිකරණයෙන් නියෝග

colombotoday

මහනුවරින් ආදර්ශයක්… නගරය පුරා පොස්ටර් ඇලවීම සපුරා තහනම්… පොස්ටර් ඇලවීමට වෙනම දැන්වීම් පුවරුවක් !

colombotoday

මහ මැතිවරණය ඇරඹේ

colombotoday

මැති ඇමතිලාට ගිනි අ-වි දස දහසක්

Admin