Colombo Today Local News

තමිල්නාඩුවේ ඥාතීන්ට උතුරෙන් යැවූ ගංවතුර ආධාර ඉන්දියාව එපා කියයි.. මුරලිගේ සංගාගේ ආධාරත් වැට උඩ

තමිල්නාඩුවේ හටගත් ගංවතුරෙන් පීඩාවටපත් ජනතාව වෙත යැවීම සදහා උතුරු පළාත් සභාව සහ යාපනේ තවත් සංවිධාන ගණනාවක් විසින් මුදල් සහ ද්‍රව්‍යමය ආධාර සූදානම් කර තිබුණත් ඒවා භාර ගැනීම ශ්‍රී ලංකාවේ ඉන්දීය මහ කොමසාරිස් කාර්යාලය ප්‍රතික්ෂේප කර ඇති බව වාර්තා වේ.

තමිල්නාඩුවේ ගංවතුරෙන් පීඩාවට පත් ජනතාව වෙනුවෙන් විදේශීය ආධාර භාර නොගැනීමට ඉන්දීය මධ්‍යම රජය විසින් තීරණය කර ඇති අතර එම තීරණයට අනුව මෙම ආධාර භාරගත ‍නොහැකි බව යාපනයේ ඉන්දීය නියෝජ්‍ය මහ කොමසාරිස් කාර්යාලය උතුරු පළාත් සභාවට දැනුම් දී ඇතැයි උතුරේ ආරංචි මාර්ග සදහන් කරයි.

උතුරු පළාත් සභාව සහ තවත් රාජ්‍ය නොවන සංවිධාන ගණනාවක් විසින් ‘තමිල්නාඩුවේ අසරණ වූ අපගේ ඥාතීන් වෙනුවෙන්’ යැයි කියමින් ආධාර එකතුකිරීමේ මධ්‍යස්ථාන යාපනයේ ප්‍රදේශ කිහිපයක අරඹා තිබුණු අතර උතුරේ ජනතාව විසින් ද්‍රව්‍යමය සහ මුදල් විශාල ලෙස ලබා දී ඇත.

තමිල්නාඩු ප්‍රාන්ත රජය සමග හොදහිත වර්ධනය කරගැනීමේ අරමුණෙන් උතුරු පළාත් සභාව සහ රාජ්‍ය නොවන සංවිධාන මෙසේ ආධාර එකතු කළද ඉන්දීය මධ්‍යම රජයේ අණ ඉක්මවා යෑමට ප්‍රාන්ත ආණ්ඩුවලට හැකියාවක් නොමැති තත්ත්වය යටතේ මෙම ආධාර ඉන්දියාවට යැවීම ඇනහිට තිබෙන බවද දැනගන්නට ලැබී තිබේ.

මේ අතර හිටපු ක්‍රිකට් ක්‍රීඩක මුත්තයියා මුරලිදරන් ඉන්දීය රුපියල් කෝටියක් තමිල්නාඩු ගංවතුරෙන් පීඩාවට පත් වූවන් සදහා පරිත්‍යාග කිරීමට යන බව ඉන්දීය මාධ්‍ය වාර්තා කොට තිබුණු අතර හිටපු ක්‍රිකට් නායක කුමාර් සංගක්කාරද මේ සදහා මුදල් ආධාර පරිත්‍යාග කිරීමට සූදානම් වන බව එම වාර්තාවල සදහන් විය. එහෙත් මෙම තත්ත්වය යටතේ එම ආධාරද ඉන්දියාවට බාරදීම ප්‍රශ්නයක් වනු ඇති බවයි උතුරේ ආරංචි මාර්ග පවසන්නේ.

Related posts

බත් සහ කොත්තු, රයිස් මිල සියයට 10කින් ඉහළට

colombotoday

කාන්චනගෙන් කෝටි 50ක් ඉල්ලා සමනලීගෙන් එන්තරවාසියක්…

colombotoday

ආර්යාවගෙන් සුභපැතුම්

colombotoday

අජි‍නොමොටෝ (MSG)රසකාරක මාරයා වෙළදපොලෙන් ඉවතට

colombotoday

“ජවිපෙ ගෙනෙන 20 නියමයි” – ෆෙඩරල් ව්‍යවස්ථාව හදන ලාල් විජේනායකගෙන් සහතිකයක්

colombotoday

ජනපති වැය ශීර්ෂය ගැන එජාපයේ අවසන් තීරණය දැනුම් දෙයි…

colombotoday