අද කොළඹ නිදහස් චතුරස්‍ර යේ දී පැවි 72වන නිදහස් සමරු උත්සවයට හිටපු ජනාධිපතිනී චන්ද්‍රිකා කුමාරතුංග මහත්මිය ද සහභාගී වී සිටි අතර රාජපක්ෂවරුන්ගේ පස මිතුරෙකු ලෙස පසුගිය කාලයේ දේශපාලනයේ නිරත වූ ඇය මෙලෙස ජනාධිපතිවරයා සහ අගමැතිවරයා සමග නිදහස් උළෙලේ දක්නට ලැබීම බොාහො දෙනෙකුගේ අවධානයට ලක්විය.
මේ අතර නිදහස් දින උත්සවයට සහභාගී නොවන බව හිටපු ජනාධිපති මෛත්‍රිපාල සිරිසේන සහ ෆීල්ඩ් මාර්ෂල් සරත් ෆොන්සේකා රාජ්‍ය පරිපාලන හා ස්වදේශ කටයුතු අමාත්‍යාංශයට ඊයේ (03 වැනිදා) පස්වරුවේ දැනුම් දී ඇත.
හිටපු ජනාධිපතිවරයාට සහ ෆීල්ඩ් මාර්ෂල් සරත් ෆොන්ස්කාට රාජ්‍ය පරිපාලන අමාත්‍යාංශය විසින් ආරාධනා පත්‍ර යොමුකර තිබිණි. උත්සවය පැවැත්වෙන නිදහස් චතුරශ්‍රයේ ඉදිරි පෙළ අසුන් දෙකක් ඔවුන් දෙදෙනා වෙනුවෙන් වෙන් කර තිබිණි. සංවිධායක මණ්ඩලය ප්‍රකාශ කළේ එම අසුන් දෙක ඉවත් කිරීමට පියවර ගත් බවයි.