ජීවත්වීමට රැකියාවක් නොමැති නිසා ගව ඝාතකාගාරයක් ආරම්භ කිරීමට අවශ්‍ය බලපත්‍රයක් ලබාදෙන මෙන් මැල්සිරිපුර ප්‍රදේශයේ මුස්ලිම් ජාතිකයකු ලිපියක් මගින් ඉබ්බාගමුව ප්‍රාදේශීය සභාවේ ලේකම්වරියගෙන් ඉල්ලීමක් සිදු කර තිබෙනවා.
එම ලිපිය සලකා බලා එම පුද්ගලයා වෙනුවෙන් බලපත්‍රය නිකුත් කිරීමට ලේකම්වරිය තීරණය කල ද ප්‍රදේශයේ භික්ෂුන් වහන්සේලාගේ සහ ජනතාවගේ විරෝධය හමුවේ එය නිකුත් නොකරන බව පොරොන්දු වී ඇත.එසේ පොරොන්දු වී තිබියදී ප්‍රදේශීය සභාවේ ලේකම්වරිය විසින් හොර රහසේම එම ගවඝාතකාගාර බලපත්‍රය නිකුත් කිරීමට කටයුතු කර තිබෙන බව colombotoday.com වෙත වාර්තා වෙනවා.
මෙම ගවඝාතකාගාරය ආරම්භ වුවහොත් ප්‍රදේශයේ පරිසරයට අහිත කරලෙස බලපාන බවයි ප්‍රදේශවාසීන් සදහන් කරන්නේ. විශේෂයෙන්ම ප්‍රදේශයේ මුස්ලිම් ජාතිකයන්ද මෙම ක්‍රියාවට විරෝධය පළකර තිබෙන බවද සදහන් වනවා.