පාර්ලිමේන්තුව දිගින් දිගටම අස්ථාවර කිරීම, කූට ලේඛන සැකසීම ආදී කරුණු ගණනාවක් පදනම් කරගනිමින් කථානායක කරු ජයසූරිය මහතාට එරෙහිව විශ්වාසභංගයක් ඉදිරිපත් කිරීම සඳහා ආණ්ඩු පක්ෂයේ මන්ත‍්‍රීවරු පිරිසක් සූදානම් වන බවට වාර්තා වේ.
කථානායකවරයා විසින් තමන් වෙත ඉදිරිපත් නොකරන ලද විශ්වාසභංගයක් සම්බන්ධව ඡන්ද විමසීමක් සිදු කර, ජනතා පරමාධිපත්‍ය හෑල්ලූ කිරීම, ගණනය නොකර මන්ත‍්‍රීවරුන්ගේ ඡන්ද සංඛ්‍යාව ප‍්‍රකාශයට පත් කිරීම ආදී හේතු නිසා කරු ජයසූරිය මහතා තවදුරටත් කථානායක තනතුරේ
රැඳී සිටීම රටේ ප‍්‍රජාතන්ත‍්‍රවාදය අනතුරට හෙළීමක් බැවින්, පවතින අර්බුදකාරී තත්ත්වය සමනය කිරීම සඳහා පළමු පියවර ලෙස මෙම ක‍්‍රියාමාර්ගය අනුගමනය කරන බව එම මන්ත‍්‍රීවරු පිරිස පෙන්වා දෙති.