ඇමරිකාවේ පවතින මුස්ලිම් දේවස්ථාන වසා දැමීම කෙරෙහි වහාම අවධානය යොමු කළ යුතු කාලය එළඹ ඇතැයි රිපබ්ලිකන් පක්ෂය නියෝජනය කරමින් ඉදිරි ජනාධිපතිවරණය ඉදිරිපත් වන ඩොනල්ඩ් ට්‍රම්ප් පවසයි. ඉස්ලාමීය ත්‍රස්තවාදීන් තම ත්‍රස්ත ප්‍රහාර සැලසුම් කරන්නේ දේවස්ථානවලදී බව නිරතුරුවම තොරතුරු හෙළිවන බැවින් එම ස්ථාන තහනම් කළ යුතු බවයි ඔහු පවසා ඇත්තේ.
මැද පෙරදිග රටවලින් පිට සිදුකර ඇති සියළු අයි.එස්. ත්‍රස්ත ප්‍රහාර සැලසුම් කර ඇත්තේ දේවස්ථානවලදී බව සනාථ වී ඇත. ඔහු මෙසේ ප්‍රකාශ කර ඇත්තේ පසුගිය දා ප්‍රංශයේ සිදු වූ ප්‍රහාර සම්බන්ධයෙන් එම්.එස්.එන්.බී.සී රූපවාහිනය සමග පැවති සම්මුඛ සාකච්ඡාවකදීය.
මේ අතර ඇමරිකාවේ ප්‍රාන්ත 17ක් සිරියානු සංක්‍රමණිකයන් භාර ගැනීම නවතා දැමීමට තීරණය කර ඇති බව වාර්තා වනවා. මිචිගන් ප්‍රාන්ත ආණ්ඩුකාර රික් සිඩ්නි පවසා ඇත්තේ සංක්‍රමණකයන් ත්‍රම ප්‍රාන්තයට භාර ගැනීම වහාම ක්‍රියාත්මක වන පරිදි නවතා දැමීමට පියවර ගන්නා බවයි.
කෙසේ වෙතත් සිරියානු අර්බූදය හා අයි.එස් ත්‍රස්තවාදයේ නීර්මාතෘවරුන් වන්නේද ඇමරිකාව බවයි ජාත්‍යන්තර මැදහත් විචාරකයන් පෙන්වා දෙන්නේ. 2011 අල්කයෙදා ප්‍රහාරය මෙන්ම තමන් වැපිරූ අස්වැන්න යළිත් වරක් ළගදීම නෙළා ගැනීමට ඇමරිකාවට සිදු වනු ඇති බවද එම විචාරකයන් මත පළකරනවා.