Colombo Today Local News

ආසියාවේ ශක්තිමත්ම මුදල් ඒකකය ශ්‍රී ලංකා රුපියලයි.. සියලු ආර්ථිකයන් කඩා වැටෙද්දී අපි කෙලින්…

ඩොලරයට සාපේක්ෂව ශ්‍රී ලංකා රුපියල කඩා වැටීමට හේතුව ඇමෙරිකාව හා චීනය අතර ඇතිව තිබෙන වෙළෙද ඝට්ටනය බව මුදල් රාජ්‍ය ඇමැති ඉරාන් වික්‍රමරත්න මහතා පවසයි.

ජනවාරි මාසයේ සිට සැප්තැම්බර් මාසය දක්වා කාලය තුළ ඩොලරයට සාපේක්ෂව ශ්‍රී ලංකා රුපියල 5.29කින් අවප්‍රමාණය වී ඇති බව කී රාජ්‍ය ඇමැතිවරයා ගෝලීය ආර්ථික අර්බුදය හමුවේ දකුණු ආසියාවේ ශක්තිමත්ම මුදල් ඒකකය ශ්‍රී ලංකා රුපියල බවද කීවේය.

ඒකාබද්ධ විපක්ෂයේ මන්ත්‍රී ආචාර්ය බන්දුල ගුණවර්ධන මහතා වාචික පිළිතුරු අපේක්ෂාවෙන් යොමු කළ ප්‍රශ්නයකට පිළිතුරු දෙමින් ඇමැතිවරයා මේ බව සඳහන් කළේය. මෙහිදී තවදුරටත් කරුණු දැක්වූ ඇමැතිවරයා මෙසේද කීය.

ආර්ථික අර්බුදය පවතින්නේ ලංකාවේ පමණක් නොවෙයි. ලෝකයේ සෑම මුදල් ඒකකයක් සමගම සැසදූ විට ඩොලරය ඉහළ ගිහින් තිබෙනවා. ඩොලරයේ අගය ජනවාරි මාසයේ සිට සැප්තැම්බර් මාස දක්වා 5.29කින් ඉහළ ගිහින් තිබෙනවා.

ඉන්දියාවේ රුපියල ඩොලරයට සාපේක්ෂව 13.12කින් ඉහළ ගිහින් තිබෙනවා. ලංකාවේ 5.29ට තිබුණු අගය 08 දක්වා වැඩි වෙලා තිබෙනවා. පකිස්ථානයේ 11.22කිනුත්, ඉන්දුනිසියාවේ 9.61 කිනුත් ඩොලරයේ අගය වැඩි වෙලා තියෙනවා.

ආසියාවේ තායිලන්තයේ හා සිංගප්පුරුවේ හැරුණු විට ලංකාවේ රුපියල පාකිස්තානය, ඉන්දියාව, ඉන්දුනිසියාව ආදි මේ සියලු රටවල්වලට වඩා විශාල ලෙස ශක්තිමත්.

කොහොමවුණත් අපේ රටේ රුපියල ශක්තිමත්. අපි රට බාර ගනිද්දි 7.7ට පැවැති අයවැය හිගය 5.5 දක්වා අඩු වෙලා තිබෙනවා. විදේශීය සංචිතය ඩොලර් බිලියන 9 වඩා වැඩියි. ආනයනය කරද්දි ගැටලුවක් පවතින නමුත් අපනයනයේදී මෙය වාසියක්. කොහොම වුණත් සාපේක්ෂව අපි තවමත් ආසියාවේ ශක්තිමත්ම ආර්ථිකය තිබෙන රටක්.

Related posts

අතුරුදන් වූවන් පිළිබද ප්‍රාදේශීය කාර්යාල 12ක් රටපුරා

colombotoday

කන්දකාඩුවේ කලහකාරී සිද්ධියට රැදවියන් 201ක් රිමාන්ඩ් – රැඳවූවන් 30ක් තවමත් අතුරුදන්

Admin

යහපාලනයේ අමුතු චන්ඩියා ‘වී අංගොඩ‘.. ජනාධිපතිතුමෝ මේ NGO බත්බැළයන් වහාම බැද දමන්න

colombotoday

ඇමරිකාවේ විශේෂ දූත පිරිසක් දිවයිනට

colombotoday

වූහාන් මරු කටින් ගලවා ගැනීමට ඕස්ට්‍රේලියා රජය එරට පුරවැසියන්ගෙන් ඩොලර් 1000ක් අයකරයි…

colombotoday

රනිල් – සජිත් විශේෂ හමුවක් හෙට

colombotoday