72 වැනි නිදහස් දින සමරුම අද (4දා) උදේ කොළඹ ටොරින්ටන්හි නිදහස් චතුරස‍්‍ර භූමියේදී මහත් අභිමානයෙන් යුක්තව පැවැත්වේ.
ජනපති ගෝඨාභය රාජපක්‍ෂ මහතාගේ ප‍්‍රධානත්වයෙන් පැවැත්වෙන මෙම නිදහස් දින උත්සවය සමරුමේ ආචාර පෙළපාලියට යුද හමුදාවේ 4325 ක්, නාවික හමුදාවේ 868 ක්, ගුවන් හමුදාවේ 815 ක් සහ පොලිසියේ 1382 ක් සහභාගි වෙති.
මේ හැර සිවිල් ආරක්‍ෂක බළකායේ 515 ක් සහ ජාතික කැඩෙට් බළකායේ 355 ක්ද එක්වෙති.
72 වැනි නිදහස් සමරුව සඳහා අමුත්තන් 2000 කට ඇරයුම් කර ඇත.
නිදහස් දින සැමරුමේ සංස්කෘතික අංගවලට 450 ක් සහභාගි වෙති.
මෙම නිදහස් දින සමරු උත්සවය නැරඹීමට පැමිණෙන ජනතාව මුහුණු ආවරණය පැළඳිය යුතු බවට නියෝගයක් කර නැත.
නිදහස් දින සැමරුම සඳහා වැයවන අධික මුදල නිසා අංග රැසක් අඩුකර තිබේ.