Colombo Today Local News

අගමැති හබය පාර්ලිමේන්තුවෙන් නොවිසදුනොත් ශ්‍රේෂ්ඨාධීකරණයට….

නව අග්‍රාමාත්‍යවරයා පත්කිරීම පිළිබඳ අර්බුදය පාර්ලිමේන්තුවෙන් විසඳා ගැනීමට දරන අවසන් උත්සාහය අසාර්ථක වුවහොත් එය නැවතත් ශ්‍රේෂ්ඨාධිකරණය මඟින් විසඳාගැනීමේ යෝජනාවක් ඉදිරිපත්ව ඇතැයි  වාර්තා වෙයි.

මේ සම්බන්ධයෙන් ඉදිරිපත්ව තිබෙන විකල්ප යෝජනා දෙකක් වන බව ඉහළ පෙළේ දේශපාලන ආරංචි මාර්ග කියයි. ඉන් පළමුවැන්න ජනාධිපතිවරයා විසින් ව්‍යවස්ථානුකූලව ඒ ගැන ශ්‍රේෂ්ඨාධිකරණයේ මතය විමසීමයි. දෙවැන්න අගතියට පත් පාර්ශවයක් හරහා නඩුවක් ගොනු කිරීමයි. කෙසේ වෙතත් එය සිදුවනු ඇත්තේ දැනට ශ්‍රේෂ්ඨාධිකරණය හමුවේ පවත්නා මැතිසබය විසුරුවා හැරීමට අදාළ නඩුව හමාර වීමෙන් පසුවය.

ඊට පෙර සාකච්ඡා මඟින් ප්‍රශ්නය විසඳා ගැනීමට ජනාධිපතිවරයා අලුතෙන් පත් කළ අග්‍රාමාත්‍ය මහින්ද රාජපක්ෂ මහතා හා හිටපු අග්‍රාමාත්‍ය රනිල් වික්‍රමසිංහ මහතා නිල නොවන මට්ටමින් එකඟ වී ඇතැයි දැනගන්නට තිබේ. කෙසේ වෙතත් ජනාධිපතිවරයා පසුගියදා වාර ගණනාවක්ම ප්‍රකාශ කර තිබුණේ අගමැති ධූරය වෙනස් කරන්නට සිදුවන්නේ නම් අභිනව අගමැතිවරයකු පත්කරන්නේ තමන්ගේ අභිමතය අනුව බවය.

කෙසේ හෝ මෙම සාකච්ඡා මඟින් ප්‍රශ්නය සමතයකට පත් කරගත නොහැකි වුවහොත් එ.ජා. පෙරමුණට හෝ එ.ජා.නි.සයට මැතිසබයේ 113ක පරම බහුතරය නොමැති අවස්ථාවක අගමැතිවරයා පත් කළ යුතු ආකාරය ගැන ශ්‍රේෂ්ඨාධිකරණ මතය විමසනු ඇතැයි දැනගන්නට ඇත.

දේශය

Related posts

කල් තබා ගැනීම සදහා වී තොගවලට උග්‍ර විශ රසායනිකයක් මිශ්‍ර කරලා !

colombotoday

දිස්ත්‍රික්ක 2ක ග්‍රාම නිලධාරී වසම් හා ප්‍රදේශ කිහිපයක් හුදෙකලා කෙරේ

colombotoday

“සිංහල ජනාවාස, බුදු පිළිම උතුරට එපා“ විග්නේශ්වරන්ගේ නායකත්වයෙන් 24 දා විරෝධතා තුනක්

colombotoday

පොලිස් වෙඩි තැබීමකින් පුද්ගලයෙක් මරුට

colombotoday

අලි සබ්‍රි ගේ කුපාඩි දේශපාලනය හා අල්-ටකියා දෙබිඩි කතා – චෝදනාවලට බොදු බලෙන් ප්‍රතිචාර !

colombotoday

“විනිමය ඉන්දියාවට, දුප්පත්කම අපට” ඉතිහාසයේ මුල්වරට රෙදි සෝදන්නොත් විරෝධයේ

colombotoday