Colombo Today Local News

හෙරොයින් සමග චූටි නංගි අත්අඩංගුවේ

හෙරොයින් ග්‍රෑම් 08ක් සමග ‘චූටි නංගී’ යන අන්වර්ථ නාමයෙන් හඳුන්වන 24 හැවිරිදි කාන්තාවක් මහියංගනය පොලීසිය විසින් ඊයේ (14)දින සවස අත්අඩංගුවට ගෙන තිබේ.

මෙම සැකකාරියගෙන් මිලදීගත් හෙරොයින් ග්‍රෑම් 3ක් ගිරාඳුරුකෝට්ටේ ප්‍රදේශයට රැගෙන යමින් සිටි තවත් සැකකරුවෙක් ද අත්අඩංගුවට ගත්බව මහියංගනය පොලීසිය පැවසීය.

මහියංගනය පූජා නගරය දොඩම්වත්ත, ගෙවල් 20 ප්‍රදේශයේ පදිංචි සැකකාරිය සිය නිවස අසල දී හෙරොයින් අලෙවි කරමින් සිටිය දී එලෙස අත්අඩංගුවට ගැනුණි.

හෙරොයින් විකුණා ලබාගත් මුදල් බවට සැකකරන රුපියල් 208,000සක මුදලක් ද ඇයගේ නිවසේ තිබී සොයාගෙන ඇත.

මෙම සැකකාරිය, මීට පෙර හෙරොයින් සමග අත්අඩංගුවට ගෙන අධිකරණයට ඉදිරිපත්කර රක්ෂිත බන්ධනාගරගත කිරීමෙන් පසු ඇපමත මුදාහැර සිටියදී යළිත් වරක් මෙලෙස හෙරොයින් සමග හසුවූ බවද පොලීසිය සඳහන් කරයි.

මෙම සැකකාරියගේ සැමියා, පියා, මව සහ සහෝදරිය, සහෝදරියගේ සැමියා ද හෙරොයින් චෝදනා යටතේ අත්අඩංගුවට ගෙන නඩු පවරා ඇති අතර ඔවුන් මේ වනවිට රක්ෂිත බන්ධනාගාර ගතව පසුවෙයි.

Related posts

හිටපු මන්ත්‍රීන් 50කුත් සමග අගමැති මහින්ද පොහොට්ටුවේ සාමාජිකත්වය ලබා ගනී…

colombotoday

බලහරුව වැවේ මළ සිරුරක්

Admin

සේරුවිල රජමහා විහාරයේ කටයුතුවලට මහනායක හිමියන්ට මැදිහත් වීම තහනම් කරමින් අධිකරණ නියෝගයක්. | කිරිබත්ගොඩ ඥානානන්ද හිමිට චෝදනා. | නීතිඥයා අලි සබ්‍රිගේ ජේෂ්ඨතම කනිෂ්ඨයෙක්. Updated

colombotoday

රූපවාහිනි සංස්ථාවට ඇතුළු වූ මර්වින් සිල්වා මුදා හරී…

colombotoday

පාස්කු ප්‍රහාරය : කැබිනට් අනුකමිටු වාර්තාව ලබන 15 වැනි දා ජනපතිට

colombotoday

ගොවීන්ට චීනයෙන් ලැබුණු ඩීසල් කඩිනමින් බෙදන්නැයි, කෘෂිකර්ම ඇමතිගෙන් නියෝග..

Admin