හෙට දිනය (24) වනවිට හූස්ටන් හි පිහිටි කොන්සියුලර් කාර්යාලය වසා දමන ලෙස ඇමෙරිකාව විසින් චීනයට නියෝග කර තිබේ.
චීන බලධාරීන් එම නියෝගය “දේශපාලන කුපිත කිරීමක්” ලෙස හඳුන්වයි.
එක්සත් ජනපද රාජ්‍ය ලේකම් මයික් පොම්පියෝ පැවසුවේ එවැනි තීරණයක් ගැනීමට හේතු වුයේ චීනය විසින් බුද්ධිමය දේපල සොරකම් කිරීම නිසා බවය.
ට්විටර් පණිවුඩයක් නිකුත් කරමින් චීන විදෙස් කටයුතු අමාත්‍යාංශය එක්සත් ජනපද තීරණය විවේචනයට ලක් කළේය.
වොෂිංටන් හි පිහිටා ඇති චීන තානාපති කාර්යාලයේ කාර්ය මණ්ඩලයට මරණ තර්ජන එල්ල වී ඇති බවත් ඔහු පැවසීය.
වොෂිංටන් හි පිහිටා ඇති චීන තානාපති කාර්යාලයට අමතරව චීන කොන්සියුලර් කාර්යාල 5ක් ඇමෙරිකාවේ ස්‌ථාපිත කර ඇත. නමුත් හූස්ටන් හි පිහිටි කොන්සියුලර් කාර්යාලය තෝරාගැනීමට හේතුව අපැහැදිලි බව විදෙස් මාධ්‍ය පවසයි.