ජමාතේ මිල්ලතේ ඉබ්‍රාහීම් නැමැති ත්‍රස්ත සංවිධානයේ සාමාජිකයින් තිදෙනෙක් අම්පාරේදී අත්අඩංගුවට ගත් බව පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතා පවසයි.
රාජ්‍ය බුද්ධි ඒකකයට ලැබුණු තොරතුරක් අනුව මෙම තිදෙනා අද (15) අත්අඩංගුවට ගෙන ඇති බවද ගුණසේකර මහතා සඳහන් කළේය.
මොවුන් මොහොමඩ් සහරාන් නැමැති ත්‍රස්ත නායකයා සමඟ නුවරඑළිය,හම්බන්තොට යන ප්‍රදේශයන්හි පුහුණුව ලබා ඇතැයිද තොරතුරු අනාවරණය වී ඇතැයිද ගුණසේකර මහතා පැවසීය. සැකකරුවෝ තිදෙනාම මාවනැල්ල ප්‍රදේශයේ පදිංචිකරුවෝ වෙති.