සහරන්ගේ සොහොයුරාගේ ඉඩමෙන් හමුවූ කඩු දිවයින පුරා පල්ලිවලින් හමුවූ කදුවලට සමාන බව පාස්කු ප්‍රහාරය සිදුවන විට කාත්තන්කුඩි පොලීසියේ පොලිස් ස්ථානාධිපතිපාස්කු ප්‍රහාරය පිළිබඳව සොයා බලන ජනාධිපති කොමිසමේදී සාක්ෂි ලබා දෙමින් අනාවරණය කර සිටියා.
කොමිසම හමුවේ ඊයේ (19) රාත්‍රියේ සාක්ෂි ලබා දුන්නේ 2017 වසරේ අගෝස්තු සිට 2020 ජනවාරි දක්වා කාත්තන්කුඩි පොලිස් ස්ථානයේ ස්ථානාධිපති ලෙස කටයුතු කළ ප්රධාන පොලිස් පරීක්ෂක නිශාන්ත ප්‍රභාත් කස්තුරිආරච්චි මහතායි.
සහරාන් හෂීම්ගේ සහෝදරයකු වූ රිල්වාන් හෂීම් රැඳී සිටි ඔල්ලිකුලම් හි ඉඩමකින් පාස්කු ප්‍රහාරයෙන් පසු යම් කිසිවක් සොයාගැනීමට හැකිවූයේදැයි කොමිසම ඔහුගෙන් විමසීය.
එම ඉඩමේ වල දමා තිබූ චීනයෙන් ගෙන්වන ලද සහ මෙරට නිෂ්පාදිත කඩු තොගයක් අපරාධ පරීක්ෂණ දෙපාර්තමේන්තුව මගින් සොයාගත් අතර එම කඩු පාස්කු ප්‍රාහාරයෙන් පසු දිවයිනේ විවිධ ප්‍රදේශවලින් හා පල්ලිවලින් හමුවූ කඩු හා සැසදීමේදී සමාන බව සාක්ෂිකරු කොමිසමට අනාවරණය කළේය.