තායිලන්තයේ හමුදා පාලනයට එරෙහිව විපක්ෂය දිගින් දිගටම කැරළි ගසන බැවින් එම තත්වය මගහරවාගෙන රටේ යහපාලනයක් ඇති කරන ආකාරය පිළිබදව තමන් තායිලන්ත අගමැතිවරයාට උපදෙසක් දුන් බව ජනාධිපති මෛත්‍රීපාල සිරිසේන මහතා පවසයි.
තායිලන්තයේ ප්රධාන දේශපාලන පක්ෂ දෙකෙන් කවුරු බලයට පත් වූවත් විපක්ෂය බරපතල ලෙස ප්‍රජාතන්ත්‍රවාදී සීමාවෙන් එහා ගොස් ආණ්ඩු විරෝධී උද්ඝෝෂණ ඇති කරන බැවින් එරට හමුදා පාලනයක් ඇතිවී තිබෙන බවත් එම නිසා මානව හිමිකම් උල්ලංගනය වීම පිළිබදව ප්‍රශ්න පැන නැගී ඇති බවත් මෙම තත්වය මගහරවා ගැනීමට උපදෙසක් දීමට බැරිදැයි තායිලන්ත අගමැතිවරයා තමන්ගෙන් විමසූ බව ජනාධිපති සිරිසේන මහතා ප්රකාශ කළේය.
තමන් කළ ආකාරයෙන් ප්රධාන පක්ෂ දෙක එකතු කර ජාතික ආණ්ඩුවක් හැදීම එම ගැටළුව මගහරවා ගැනීමට හොදම විසදුම බව තමන් තායිලන්තට අගමැතිවරයාට පැවසූ බවත් එය සැබෑවක් බව තායිලන්ත අගමැතිවරයාත් පිළිගත් බවත් ජනාධිපති මෛත්‍රිපාල සිරිසෙන මහතා පැවසුවේය.
ජනාධිපති සිරිසේන මහතා මේ බව ප්රකාශ කළේ ඊයේ (6) ලග්ගලදී පැවති ජන හමුවක් අමතමිනි. ප්රධාන දේශපාලන පක්ෂ කිහිපයක් නියෝජනය කරන මහජන නියෝජිතයින් රැසක් ජනාධිතිතුමා සමඟ මෙම වේදිකාවේ අසුන්ගෙන සිටි අතර ඒ පිළිබද අදහස් දැක්වූ ජනාධිපතිතුමා ප්රකාශ කළේ කවුරුන් කෙසේ චෝදනා කළද මේ රට ඉදිරියට ගෙනයාමට තිබෙන එකම දේශපාලන සංස්කෘතිය මෙම පූර්වාදර්ශය බවයි. දේශපාලන වශයෙන් බෙදී වෙන්වී ගහ මරාගත් යුගය නිමා කර ප්රධාන දේශපාලන පක්ෂ දෙක එකට එක් කර ගනිමින් නව ගමනක් ඇරඹුයේ මේ රට ඉදිරියට ගෙන යාමට බවද ජනාධිපතිතුමා ප්රකාශ කළේය.