මෙරට සර්වබලධාරී ජනාධිපති ධුරය දැරූ පසු තවත් පීචං මන්ත්‍රී කෙනෙක් ලෙස පාර්ලිමේන්තු යාමේ උවමනාවක් තමන්ට නැති බව හිටපු ජනාධිපතිනි චන්ද්‍රිකා කුමාරතුංග මහත්මිය සඳහන් කරයි.
ජනාධිපති ධුරය දැරීමෙන් පසු නැවත අගමැති වීමේ ආශාවක් තමනට නැතැයිද ඇය පවසයි.
අද එම ධූරයන් ඉල්ලා සිටින ඇතැම් නායකයන් නිවාස වලට ගොස් විශ්‍රාම ගත යුතු වයසේ පසුවන අය බවත් ඇවිද ගන්නවත් බැරිව කොර ගහන අසනීප තත්ත්වයන් සහිත අය බවත් ඇය සඳහන් කළාය.
එනිසා ඔවුන් විශ්‍රාම සුවෙන් නිවෙස්වලට වී සිට අලුත් අයට ඉඩ ප්රස්තාව ලබා දිය යුතු බවත් ඇය පැවසුවාය.
හිටපු ජනාධිපතිනිය මේ බව කියා සිටියේ තම උපන් දිනය වෙනුවෙන් අනුරාධපුරයේ පැවති සැමරුමකින් පසු මාධ්‍ය අමතමිනි.