යුරෝපයේ බෝල්කන් ප්‍රදේශයට අයත් රටවල් 4ක ශ්‍රී ලාංකික සරණාගතයින් ඇතුළු සරණාගත ජනයාට ඇතුළුවීමට තිබූ ඉඩ ප්‍රස්ථා ඇහිරවීමට එකී රටවල බලධාරීන් තීරණය කර තිබේ.
ඒ අනුව මැසිඩෝනියාව විසින් මොරොක්කෝව, ශ්‍රී ලංකාව,සුඩානය,ලයිබීරියාව,කොංගෝ හෝ පකිස්ථානය යන රටවලින් එන සරණාගත ජනයා පිළිනොගැනීමට තීරණය කර ඇති බව සර්බියාවේ එක්සත් ජාතීන්ගේ මානව හිමිකම් කවුන්සිලයේ ප්‍රකාශිකා මෙලිටා සුන්ජික් අද (19) පවසා ඇතැයි විදෙස් පුවත් වාර්තා කරයි.
තම රටවලට සංක්‍රමණය වන සරණාගත ජනතාව කෙරෙහි යුරෝපීය ජනයා මේවන විට බියෙන් පසුවන බවත්, ඔවුන් සමග සන්නද්ධ සංවිධානවල සාමාජිකයින් පැමිණීමේ ඉඩකඩ ඇති බවත්, පැරිස් ප්‍රහාරයෙන් එකී බිය අලුත් වී ඇති බවත් ඇය පෙන්වාදී තිබේ.
මැසිඩෝනියානු හා සර්බියානු දේශසීමාවේදී සර්බියාව විසින් යුදමය වාතාවරණයක් පවතින සිරියාව,ඇෆ්ගනිස්ථානය හා ඉරාකය යන රටවලින් පැමිණෙන සරණාගත ජනයාට පමණක් සුළු ඉඩක් ලබාදී ඇති බව ඇය ඒ.පී පුවත් සේවයට අවධාරණය කර ඇත.