පාස්කු ඉරුදින එනම් අප්‍රේල් 21 ප්‍රහාරය සම්බන්ධයෙන් විමර්ශනයට පත් කළ පාර්ලිමේන්තු තේරීම් කාරක සභාවේ වාර්තාව අද (23) ජයම්පති වික්‍රමරත්න මහතා විසින් පාර්ලිමේන්තුවට ඉදිරිපත් කර ඇත.
අදාළ කාරණා සම්බන්ධයෙන් විධිමත්ව සොයා බැලීමට යම් කාලයක් ගත වු බැවින් යම් ප්‍රමාදයක් වු බවත් විශේෂ කාරක සභාවේ සභාපති නියෝජ්‍ය කථානායක ආනන්ද කුමාරසිරි මහතා මීට පෙර ප්‍රකාශ කළේය.
රාජ්‍ය නිලධාරීන්, ආරක්ෂක අංශ නිලධාරීන්, දේශපාලන නියෝජිතයන්, සිවිල් සංවිධාන නියෝජිතයන්ගෙන් පාස්කු ප්‍රහාරයට අදාලව ප්‍රකාශ හා සාක්ෂි විමසූ මෙම තේරීම් කාරක සභාවේ විනිශ්චයච ආසනයේ සාමාජිකයෙකු ලෙස අමාත්‍ය රවූෆ් හකීම්ද කටයුුත කළේය.
ත්‍රස්තවාදී සහරාන් සමග හකීම් අමාත්‍යවරයා සාකච්ඡාවක් පවත්වන අයුරු දැක්වේන වීඩියෝවක් සහ සහරාන්ගේ සහෝදරයා වන රිල්වාන් බෝම්බ අත්හදා බැලීමකදී සිදුවූ අනතුරකින් ප්‍රතිකාර ලබමින් සිිටියදී අමාත්‍යවරයා ඔහුගේ සුවදුක් විමසන අයුරු දැක්වේන ඡායාරූපයක් දින කිහිපයකට පෙර මාධ්‍යට අනාවරණය විය.
ත්‍රස්තවාදීන් සමග සාකච්ඡා පවත්වමින්, ඔවුන් සමග සමීපව කටයුතු කළ හකීම් අමාත්‍යවරයා කිසිවෙක් නොදත් අයෙකු මෙන්, පාස්කු ප්‍රහාරය පිළිබදව අන් අයගෙන් සාක්ෂි විමසීම ‘හොරාගේ අම්මගෙන් පේන ඇසීමක්“ යැයි මේ දින වල සමාජ ජාලාවල අදහස් පලවෙමින් පවතී.