තෙල් මිල සූත්‍රය තවදුරටත් පවත්වාගෙන යනවාද එසේ නොමැතිනම් එය සංශෝධනය කරනවාද යන්න පිළිබඳව ඉදිරි අයවැය යෝජනාවලියේදි තීරණයක් ගන්නා බව ජනපති මෛත්‍රීපාල සිරිසේන මහතා පවසයි.
අද පෙරවරුවේ මාධ්‍ය ආයතන ප්‍රධානීන් හමුවූ අවස්ථාවේදී ඔහු මේ බව ප්‍රකාශ කළේය.
“තෙල් මිල සූත්‍රයට විවේචන තියෙනවා. ලෝකයේ සමහර රටවල්වල තෙල් මිල සූත්‍රයට අනුව මිල තීරණය කරනවා කියලයි රජය මේ තීරණය ගත්තේ. නමුත් මේ සූත්‍රය හැටියට තෙල් මිල පහළ යන්නේ නෑ උඩමයි යන්නේ. ඒක තමයි අපිට තියෙන අවාසිය පටන් ගත්ත දවසේ ඉදලා.ඉතින් මහ ජනතාවගෙන් බැනුම් අහනවා.
මම බලාපොරොත්තුවෙනවා මිල සූත්‍රය තවදුරටත් පවත්වනවද සංශෝධනයක් කරනවද? දැනට වඩා මහජනයාට හිතකර තත්ත්වයක් අතිකර ගන්න. ඉදිරි අයවැය යෝජනාත් එක්ක මේ සම්බන්ධයෙන් කටයුතු කරන්න බලාපොරොත්තු වෙනවා.”