ශ්‍රී ලංකා නිදහස් පක්ෂ මහින්ද පාර්ශවයේ විද්වත් සභාව අද රැස් වී ඇති අතර සියල්ල අභිබවමින් ජනප්‍රියවන “සිංහලේ” සංකල්පය පිළිබදව එහිදී කතාබහක් ඇති වී ඇත. එහිදී විද්වත් සභාවේ මහාචාර්යවරු කිහිප දෙනෙකු බොදු බල සේනා සංවිධානය ගැන දක්වමින් දැඩි විවේචනයක් එල්ල කර ඇති අතර ඇතිවී තිබෙන තත්ත්වය මත මහින්ද රාජපක්ෂ හිටපු ජනාධිපතිවරයාගේ ජනප්‍රියත්වය පහල යමින් ‘සිංහලේ’ ඉස්මතු වීම ඉදිරි මැතිවරණවලදී මහින්ද පාර්ශවයට අහිතකර ලෙස බලපාන බවද ඔවුන් පෙන්වා දී ඇත.
මෙම සාකච්ඡාව අතරතුරු බොදු බල සේනා ප්‍රධාන විධායක නිලධාරී දිලන්ත විතානගේ මහතාව දැඩිව විවේචනයට ලක් වී ඇති අතර ඔහු නෝර්වේ කුමන්ත්‍රණකරුවෙක ලෙස හැදින්වූ පිරිස “සිංහලේ” සංකල්පය පිටුපසද සිටින්නේ ඔහු බව සදහන් කළා. ඒ අනුව “සිංහලේ” සංකල්පයට විරුද්ධව ඉදිරියේදී කටයුතු කිරීමට සහ සමාජජාලා වෙබ් අඩවි යොදාගෙන ඊට විරුද්ධ මතයක් සමාජගත කිරීමට පිරිස කතිකා කරගත් බවයි වැඩිදුරටත් වාර්තා වන්නේ.