26.5 C
Colombo
3 April 2025
Colombo Today Local News

මහනුවර දිස්ත්‍රික්කයේ ප්‍රතිපලය විශ්වාස නැහැ අපි අධිකරණයේ පිහිට පතනවා..- අමිත් වීරසිංහ කියයි

මෙවර පාර්ලිමේන්තු මහ මැතිවරණයේ මහනුවර දිස්ත්‍රික් ප්‍රතිපලයට එරෙහිව අධිකරණ ක්‍රියා මාර්ග ගැනීමට තමන් බලාපොරොත්තුවන බව ජල කරාමය ලකුණින් ස්වාධින කණ්ඩායම් අංක 01 න් තරග කළ අමිත් වීරසිංහ ප්‍රකාශ කර සිටියි.

මාධ්‍ය හමුවක් කැඳවමින් ඔහු ප්‍රකාශ කළේ ජන්ද ගණන් කිරිමේ මධ්‍යස්ථානවලදී තමන්ට දැඩි අසාධාරණයක් වූ බවයි.

සිය කණ්ඩායමට ලද ජන්ද සංඛ්‍යාවට වඩා වැඩි ජන්ද සංඛ්‍යාවක් ප්‍රතික්ෂේපිත ජන්ද බවට ගණන් කිරිමේ නිලධාරින් නම් කර තිබු බවත් එම ජන්ද පත්‍රිකාවල සිය ස්වාධින කණ්ඩායමට මෙන්ම පොදුජන පෙරමුණ ඉදිරියේ ජන්දය ලකුණු කොට තිබු අයුරු සිය නියෝජිතයින් දැක තිබෙන බව අමිත් වීරසිංහ ප්‍රකාශ කර සිටියා.

අවම වශයෙන් මන්ත්‍රිධුර දෙකක් හෝ සිය කණ්ඩායමට හිමිවිය යුතුව තිබුනත් අවසානයේදී එකදු මන්ත්‍රීධුරයක් හෝ නොමැතිව මහනුවර දිස්ත්‍රික්කයේ තුන්වන බලවේගය බවට සිය ස්වාධින කණ්ඩායම පත්වූ බව ඔහු මෙහිදී සඳහන් කළේය.

මේ සම්බන්ධයෙන් මැතිවරණ කොමිෂන් සභාවේ නිලධාරින් දැනුවත් කළද ඔවුන් එයට ලබාදුන් පිළිතුර සෑහීමට පත්නොවන බැවින් අධිකරණයේ සහය පැතීමට තීරණය කළ බව අමිත් වීරසිංහ වැඩිදුරටත් සඳහන් කළේය.

Related posts

නැගෙනහිර පර්යන්තය පිළිබඳ වෘත්තීය සමිති යෝජනා අද සාකච්ඡාවට

colombotoday

ශානි අබේසේකර රක්ෂිත බන්ධනාගාරගත කෙරේ

colombotoday

ඔරුගොඩවත්ත මංසන්දියෙන් බේස්ලයින් මාර්ගය අවහිර වෙයි

colombotoday

එජාපය මට දෙන්න, දිනවලා පෙන්වන්නම් – මෛත්‍රී කියයි

colombotoday

අගමැතිට හා කැබිනට් මණ්ඩලයට එරෙහි පෙත්සම ගැන ශ්‍රේෂ්ඨාධිකරණයෙන් තීන්දුවක්…

colombotoday

ගතවූ මාස 6තුළ කෝටි 2100ක විදේශ ආයෝජන ආපහු අරන් ගිහින්

colombotoday