අඩු ආදායම්ලාභීන් සවිබල ගැන්වීමේ ‘දිවි නැඟුම’ අරමුදලේ මුදල් රුපියල් ලක්ෂ එක්දහස් පන්සිය පනස් හයක් වැය කැර ඇත්තේ හිටපු ආර්ථික කටයුතු ඇමැති බැසිල් රාජපක්ෂ මහතාගේ ගුවන් ගමන් වෙනුවෙන් බව ජනාධිපති පරීක්ෂණ කොමිසම සිදු කරන විමර්ශනයකදී අනාවරණය වී තිබෙන බව වාර්තා වේ.
මෙම ගුවන් ගමන් සියල්ලම රට ඇතුළත සිදුවුණ ගුවන් ගමන්ය. ශ්‍රී ලංකා ගුවන් හමුදාවට මෙම මුදල් පියවා ඇත.
මෙම රුපියල් ලක්ෂ එක්දහස් පන්සිය පනස් හයක මුදල දැනට සොයාගෙන තිබෙන මුදල් ප්‍රමාණය පමණි. මේ පිළිබඳව දීර්ඝ විමර්ශනයක විමර්ශන අංශ නියැළී සිටින බවද වාර්තා වෙයි. රට අභ්‍යන්තරව සිදුවී තිබෙන මෙම ගුවන් ගමන් අතරේ සිදුවී තිබෙන සමහර ගුවන් ගමන් යොදාගෙන ඇත්තේ ඇදහිය නොහැකි ඉතාමත් කෙටි දුර සඳහාය.